ចម្រៀងលេខ១៨
ចូរដឹងគុណព្រះសម្រាប់ថ្លៃលោះ
(លូកា ២២:២០)
១. ព្រះយេហូវ៉ានៅមុខ
បល្ល័ង្កលោកយើងខ្ញុំឈរ
រំលឹកក្ដីស្រឡាញ់លោកបង្ហាញ
ដល់យើងយ៉ាងហៀរហូរ
លោកបានចាត់បុត្រលោកដើម្បីយើង
អាចមានជីវ៉ា
អំណោយវិសេសបំផុតលោកជូន
ចំពោះមនុស្សា។
(បន្ទរ)
បុត្ររបស់លោកបូជាជីវ៉ា
ឈាមលោកបានលោះគ្រប់មនុស្សា
ជារៀងរហូត
យើងខ្ញុំដឹងគុណព្រះស្មោះអស់ពីចិន្ដា។
២. លោកយេស៊ូបានបូជាជីវិត
ដោយចិត្តស្ម័គ្រស្មោះ
ក្ដីស្រឡាញ់ជំរុញលោកលះបង់
ជីវិតល្អឥតខ្ចោះ
មុនលោកសង្គ្រោះយើងមិនមាន
ក្ដីសង្ឃឹមឡើយណា
តែឥឡូវយើងខ្ញុំអាចបានជីវិត
គ្មានមរណា។
(បន្ទរ)
បុត្ររបស់លោកបូជាជីវ៉ា
ឈាមលោកបានលោះគ្រប់មនុស្សា
ជារៀងរហូត
យើងខ្ញុំដឹងគុណព្រះស្មោះអស់ពីចិន្ដា៕
(សូមពិនិត្យបន្ថែម ហេ. ៩:១៣, ១៤; ១ពេ. ១:១៨, ១៩)