ចម្រៀងលេខ១២៦
ត្រូវដឹងខ្លួន រឹងមាំ ហើយខ្លាំងក្លា
១. ត្រូវដឹងខ្លួនរឹងមាំហើយខ្លាំងក្លា
តាំងចិត្តស៊ូទ្រាំឥតបង់លះ
ត្រូវមានចិត្តមោះមុតនិងក្លាហាន
ព្រោះយើងនឹងបានជ័យជម្នះ
បញ្ញត្ដិគ្រិស្តយេស៊ូយើងតាមឥតគេច
ក្រោមបង្គាប់លោកយើងរឹងមាំជានិច្ច។
(បន្ទរ)
យើងត្រូវដឹងខ្លួនរឹងមាំហើយខ្លាំងក្លា!
តស៊ូលុះដល់ទីបញ្ចប់!
២. ចូរដឹងខ្លួនហើយចាំយាមជានិច្ច
តែងស្ដាប់បង្គាប់ឥតបង្អង់
ឆាប់ធ្វើតាមការណែនាំនៃគ្រិស្ត
ពីខ្ញុំបម្រើដ៏ស្មោះត្រង់
ចូរស្ដាប់ឱវាទអ្នកចាស់ទុំគ្រប់កាយ
ដែលការពារក្ដីពិតនិងចៀមទាំងឡាយ។
(បន្ទរ)
យើងត្រូវដឹងខ្លួនរឹងមាំហើយខ្លាំងក្លា!
តស៊ូលុះដល់ទីបញ្ចប់!
៣. ចូរដឹងខ្លួនមានសាមគ្គីភាព
ការពារដំណឹងល្អថ្លៃថ្លា
ទោះសត្រូវខំតយុទ្ធប្រឆាំង
យើងនឹងផ្សាយដល់អវសាន
រួមបន្លឺសំឡេងពេញពាសលោកា
មើល! ថ្ងៃព្រះយេហូវ៉ាជិតហើយណា៎។
(បន្ទរ)
យើងត្រូវដឹងខ្លួនរឹងមាំហើយខ្លាំងក្លា!
តស៊ូលុះដល់ទីបញ្ចប់!
(សូមពិនិត្យបន្ថែម ម៉ាថ. ២៤:១៣; ហេ. ១៣:៧, ១៧; ១ពេ. ៥:៨)