ចំណុចហាត់រៀនទី៥
ការអានឲ្យបានត្រឹមត្រូវ
ធីម៉ូថេទី១ ៤:១៣
សេចក្ដីសង្ខេប: សូមអានឮៗនិងយ៉ាងត្រឹមត្រូវតាមអក្សរ។
របៀបអនុវត្ត:
រៀបចំឲ្យបានល្អ។ គិតអំពីមូលហេតុដែលបទគម្ពីរនោះបានត្រូវសរសេរ។ ហាត់អានឮៗដោយមើលពាក្យមួយក្រុម ជាជាងមើលពាក្យនីមួយៗប៉ុណ្ណោះ។ សូមប្រយ័ត្នមិនបន្ថែម រំលង ឬអានច្រឡំពាក្យ។ សូមយកចិត្តទុកដាក់នឹងសញ្ញាផ្សេងៗ ដូចជាសញ្ញាខណ្ឌ សញ្ញាសួរ ឬសញ្ញាឧទានជាដើម។
បន្លឺសូរស័ព្ទនីមួយៗឲ្យបានត្រឹមត្រូវ។ បើអ្នកមិនចេះអានពាក្យណាមួយ សូមពិនិត្យមើលវចនានុក្រម ស្ដាប់ឯកសារសំឡេងនៃសៀវភៅនោះ ឬសុំជំនួយពីអ្នកដែលចេះអានស្ទាត់។
និយាយច្បាស់។ អានពាក្យដោយបញ្ចេញសំឡេងយ៉ាងច្បាស់ ងើបក្បាលឡើង ហើយបើកមាត់ពេលនិយាយ។ សូមព្យាយាមបន្លឺសូរស័ព្ទតាមតួអក្សរនីមួយៗ។