ចំណុចហាត់រៀនទី១៤
បញ្ជាក់ចំណុចសំខាន់ៗយ៉ាងច្បាស់លាស់
ហេប្រឺ ៨:១
សេចក្ដីសង្ខេប: សូមជួយអ្នកស្ដាប់ឲ្យផ្ដោតអារម្មណ៍ទៅលើសុន្ទរកថារបស់អ្នក ហើយបញ្ជាក់យ៉ាងច្បាស់នូវរបៀបដែលចំណុចសំខាន់នីមួយៗជាប់ទាក់ទងនឹងគោលដៅ និងប្រធានបទនៃសុន្ទរកថា។
របៀបអនុវត្ត:
គិតអំពីគោលដៅ។ សូមគិតអំពីគោលដៅនៃសុន្ទរកថារបស់អ្នក។ តើគោលដៅនោះគឺដើម្បីប្រាប់ព័ត៌មាន ធ្វើឲ្យអ្នកស្ដាប់ជឿជាក់ ឬក៏ជំរុញចិត្តអ្នកស្ដាប់? ក្រោយមក សូមរៀបចំសុន្ទរកថាស្របតាមគោលដៅនេះ។ សូមប្រាកដថាចំណុចសំខាន់ទាំងអស់នឹងជួយឲ្យអ្នកសម្រេចគោលដៅនៃសុន្ទរកថារបស់អ្នក។
បញ្ជាក់ប្រធានបទនៃសុន្ទរកថារបស់អ្នក។ ក្នុងអំឡុងសុន្ទរកថា អ្នកអាចបញ្ជាក់ប្រធានបទដោយនិយាយឡើងវិញនូវពាក្យសំខាន់ៗនៃប្រធានបទ ឬដោយប្រើពាក្យសទិសន័យ។
ធ្វើឲ្យចំណុចសំខាន់ៗច្បាស់លាស់និងស្រួលយល់។ សូមជ្រើសរើសតែចំណុចសំខាន់ដែលទាក់ទងនឹងប្រធានបទរបស់អ្នកប៉ុណ្ណោះ និងដែលអ្នកអាចបង្រៀនដោយប្រសិទ្ធភាពក្នុងពេលវេលាដែលបានត្រូវកំណត់។ កុំលើកចំណុចសំខាន់ច្រើនពេក។ សូមបញ្ជាក់យ៉ាងច្បាស់នូវចំណុចសំខាន់នីមួយៗ ផ្អាករវាងចំណុចសំខាន់ៗ ហើយបន្តនិយាយពីចំណុចសំខាន់មួយទៅចំណុចសំខាន់មួយទៀតដោយឥតរអាក់រអួល។