ផ្នែកទី២ រៀនសាឡើងវិញ
សូមអ្នកនិងអ្នកបង្រៀនពិគ្រោះគ្នាអំពីសំណួរដូចតទៅ៖
១. តើព្រះនឹងធ្វើអ្វីចំពោះសាសនាមិនពិត?
(សូមមើល មេរៀនទី១៣)។
២. សូមអាន ដំណើរចាកចេញ ២០:៤-៦។
តើព្រះយេហូវ៉ាមានអារម្មណ៍យ៉ាងណា ពេលមនុស្សដែលអះអាងថាខ្លួនជាអ្នកបម្រើលោក ប្រើរូបផ្សេងៗក្នុងការគោរពប្រណិប័តន៍?
(សូមមើល មេរៀនទី១៤)។
៣. តើលោកយេស៊ូជាអ្នកណា?
(សូមមើល មេរៀនទី១៥)។
៤. តើអ្នកចូលចិត្តគុណសម្បត្តិណាខ្លះរបស់លោកយេស៊ូ?
(សូមមើល មេរៀនទី១៧)។
៥. សូមអាន យ៉ូហាន ១៣:៣៤, ៣៥ និងសកម្មភាព ៥:៤២។
នៅសព្វថ្ងៃនេះ តើអ្នកណាជាគ្រិស្តសាសនិកពិត? ហេតុអ្វីអ្នកជឿជាក់ថាពួកគេជាគ្រិស្តសាសនិកពិត?
(សូមមើល មេរៀនទី១៨ និង១៩)។
៦. តើអ្នកណាជាប្រមុខនៃក្រុមជំនុំ? ហើយតើលោកដឹកនាំក្រុមជំនុំយ៉ាងដូចម្ដេច?
(សូមមើល មេរៀនទី២០)។
៧. សូមអាន ម៉ាថាយ ២៤:១៤។
តើទំនាយនេះកំពុងកើតឡើងនៅសព្វថ្ងៃយ៉ាងដូចម្ដេច?
តើអ្នកបានប្រាប់ដំណឹងល្អដល់អ្នកណាខ្លះ?
(សូមមើល មេរៀនទី២១ និង២២)។
៨. តើអ្នកគិតថាការជ្រមុជទឹកជាគោលដៅដ៏ល្អប្រសើរទេ? ហេតុអ្វី?
(សូមមើល មេរៀនទី២៣)។
៩. តើតាមរបៀបណាអ្នកអាចការពារខ្លួនពីសាថាននិងពួកវិញ្ញាណកំណាច?
(សូមមើល មេរៀនទី២៤)។
១០. តើព្រះចង់ឲ្យយើងមានជីវិតបែបណា?
(សូមមើល មេរៀនទី២៥)។
១១. ហេតុអ្វីមនុស្សរងទុក្ខវេទនានិងស្លាប់?
(សូមមើល មេរៀនទី២៦)។
១២. សូមអាន យ៉ូហាន ៣:១៦។
តើព្រះយេហូវ៉ាបានធ្វើអ្វីដើម្បីសង្គ្រោះយើងពីភាពខុសឆ្គងនិងសេចក្ដីស្លាប់?
(សូមមើល មេរៀនទី២៧)។
១៣. សូមអាន អ្នកទូន្មាន ៩:៥។
តើមានអ្វីកើតឡើងពេលមនុស្សស្លាប់ទៅ?
តើលោកយេស៊ូនឹងធ្វើអ្វីសម្រាប់មនុស្សរាប់ពាន់លាននាក់ដែលបានស្លាប់?
(សូមមើល មេរៀនទី២៩ និង៣០)។
១៤. ហេតុអ្វីរាជាណាចក្រព្រះប្រសើរជាងរដ្ឋាភិបាលទាំងអស់របស់មនុស្ស?
(សូមមើល មេរៀនទី៣១ និង៣៣)។
១៥. តើអ្នកជឿថារាជាណាចក្រព្រះកំពុងគ្រប់គ្រងនៅសព្វថ្ងៃនេះទេ? ហេតុអ្វី? តើរាជាណាចក្រព្រះបានចាប់ផ្ដើមគ្រប់គ្រងនៅពេលណា?
(សូមមើល មេរៀនទី៣២)។