យោបល់ចំពោះកាសែតវីដេអូ ព្រះគម្ពីរបរិសុទ្ធ គឺជាសៀវភៅដែលមានឥទ្ធិពលលើជីវិតរបស់អ្នក
ចូរនិយាយចេញពីដួងចិត្ត ប្រាប់ពីយោបល់របស់អ្នកចំពោះខ្លឹមសារក្នុងកាសែតវីដេអូនេះ ដោយឆ្លើយសំនួរដូចតទៅនេះ។ (១ក) តើអ្វីបានជួយមនុស្សរាប់លាននាក់មានសមត្ថភាពកែប្រែជីវិតរបស់គេ ឲ្យមានរបៀបរស់នៅដ៏ល្អជាង? (ហេព្រើរ ៤:១២) (១ខ) តើអ្វីគឺចាំបាច់ដើម្បីទទួលនូវឥទ្ធិពលនោះ? និងតើអ្វីគឺចាំបាច់ដើម្បីអនុវត្តនោះក្នុងជីវិតរបស់អ្នកផ្ទាល់? (២) តើបទគម្ពីរណាខ្លះ បានត្រូវរៀបរាប់ដើម្បីជួយគូស្វាមីភរិយា (ក) កែលំអនូវសម្ព័ន្ធមេត្រីរបស់គេ? (ខ) ទប់កំហឹងរបស់ខ្លួន? (៣) តើតាមរបៀបណាដែលទស្សនៈគ្រីស្ទានចំពោះអាពាហ៍ពិពាហ៍ អាចកែលំអនូវជីវភាពក្រុមគ្រួសារបាន? (អេភេសូរ ៥:២៨, ២៩) (៤) តើដូចម្ដេចដែលព្រះយេហូវ៉ាជាគំរូដ៏គ្រប់ល័ក្ខណ៍ ក្នុងការប្រទានអ្វីៗទាំងបីយ៉ាងដែលកូនទាំងអស់ត្រូវការនិងចង់បានផងដែរ? ហើយសព្វថ្ងៃនេះ តើមាតាបិតាអាចធ្វើដូច្នោះយ៉ាងណា? (ម៉ាកុស ១:៩-១១) (៥) ហេតុអ្វីបានជាមាតាបិតាគួរបង្រៀនកូនរបស់ខ្លួនដោយផ្ទាល់អំពីព្រះគម្ពីរ? ហើយតើអ្វីបង្ហាញថានេះគឺជាអ្វីដែលគាត់ត្រូវតែធ្វើជាទៀងទាត់នោះ? (ចោទិយកថា ៦:៦, ៧) (៦) តើមាតាបិតាអាចធ្វើអ្វី ដើម្បីធ្វើឲ្យការសិក្សាជាក្រុមគ្រួសារ ទៅជាអ្វីដ៏គួរឲ្យចាប់អារម្មណ៍? (៧) ក្រៅពីការសិក្សាព្រះគម្ពីរ តើព្រះគម្ពីរជំរុញឲ្យមាតាបិតាផ្ដល់ឲ្យអ្វីទៀតសំរាប់កូនៗរបស់គាត់? (៨) តើតាមរបៀបណាដែលឱវាទក្នុងព្រះគម្ពីរអាចជួយក្រុមគ្រួសារចំពោះបញ្ហាខាងសេដ្ឋកិច្ច? (៩) តើគោលការណ៍ណាខ្លះក្នុងបទគម្ពីរ ដែលអាចជួយកាត់បន្ថយបញ្ហាខាងសុខភាព បើសិនជាមានការអនុវត្តតាមនោះ? (១០) តើដូចម្ដេចដែលគោលការណ៍ក្នុងព្រះបន្ទូលរបស់ព្រះបានជួយក្នុងជីវិតរបស់អ្នក? (១១) តើដូចម្ដេចដែលវីដេអូនេះអាចលើកទឹកចិត្តមនុស្សដែលអ្នកជួបក្នុងកិច្ចផ្សព្វផ្សាយឲ្យព្រមសិក្សាព្រះគម្ពីរតាមផ្ទះ?