អ្នកត្រូវទស្សនាកាសែតវីដេអូចំណងជើងថា ជ័យជំនះផ្នែកវេជ្ជសាស្ត្រក្នុងការមិនប្រើឈាម
តើអ្នកចេះដឹងប៉ុនណាទៅអំពីជម្រើសដែលអ្នកអាចទទួលក្នុងវិស័យនៃការព្យាបាលដោយមិនប្រើឈាមនោះ? តើអ្នកយល់ថា ជម្រើសក្រៅពីការបញ្ចូលឈាមមានអ្វីខ្លះ និងបែបបទនៃការព្យាបាលគឺយ៉ាងណាដែរ? សូមអញ្ជើញទស្សនាវីដេអូនេះនឹងសាកល្បងនូវចំណេះរបស់ខ្លួនដោយសំនួរដូចតទៅនេះ។—កំណត់ចំណាំ: ដោយសារវីដេអូនេះមានបង្ហាញពីការវះកាត់ខ្លះៗ មាតាបិតាគួរគិតហើយសម្រេចចិត្តថា តើកូនតូចៗគួរទស្សនាវីដេអូនេះដែរឬក៏អត់។
(១) តើអ្វីជាហេតុចំបងដែលស្មរបន្ទាល់ព្រះយេហូវ៉ាមិនព្រមទទួលការបញ្ចូលឈាម? តើគោលការណ៍នេះដែលមានក្នុងព្រះគម្ពីរគឺនៅកន្លែងណា? (២) តើយើងចង់បានការព្យាបាលបែបណា? (៣) តើអ្នកជម្ងឺគ្រប់រូបមានសិទ្ធិបឋមគឺអ្វី? (៤) ហេតុអ្វីការបដិសេធមិនព្រមទទួលការបញ្ចូលឈាម គឺសមហេតុសមផលនិងបង្ហាញពីស្មារតីចេះទទួលខុសត្រូវ? (៥) ពេលដែលមានការហូរឈាមខ្លាំង តើមានពីរយ៉ាងអ្វីដែលគ្រូពេទ្យត្រូវធ្វើជាបន្ទាន់នោះ? (៦) តើការបញ្ចូលឈាមអាចបង្កគ្រោះថ្នាក់អ្វីដល់សុខភាព? (៧) តើអ្វីជាឧបករណ៍ខ្លះៗដែលអ្នកវះកាត់អាចប្រើ ដើម្បីកាត់បន្ថយការហូរឈាមក្នុងកំឡុងពេលដែលវះកាត់? (៨) ស្តីអំពីជម្រើសក្រៅពីការបញ្ចូលឈាម តើអ្នកត្រូវដឹងពត៌មានអ្វីខ្លះ? (៩) តើការវះកាត់ដ៏ធ្ងន់ធ្ងរនិងស្មុគស្មាញអាចត្រូវធ្វើឡើងដោយមិនប្រើឈាមបានទេ? (១០) តើគ្រូពេទ្យរឹតតែច្រើនសុខចិត្តធ្វើអ្វី ដើម្បីស្មរបន្ទាល់ព្រះយេហូវ៉ា? យូរៗទៅ តើការព្យាបាលបែបណានឹងត្រូវរាប់ជាធម្មតាសំរាប់អ្នកជម្ងឺ?
វីដេអូនៃការមិនប្រើឈាមនេះប្រាកដជាអាចជួយបានច្រើន បើទស្សនាជាមួយនឹងសិស្សព្រះគម្ពីរ ស្វាមី ភរិយា ឬក៏ញាតិសន្ដានដែលមិនមែនជាស្មរបន្ទាល់ ឬជាមួយនឹងអ្នកធ្វើការគ្នីគ្នា លោកគ្រូអ្នកគ្រូ និងអ្នករៀនជាមួយគ្នាដែលប្រហែលជាសួរអំពីគោលជំហររបស់យើងស្តីអំពីឈាម។ ការព្រមទទួលការព្យាបាលណាដែលមានក្នុងវីដេអូនេះ សម្រេចនឹងមនសិការរបស់បុគ្គលម្នាក់ៗ។—សូមមើល «សំនួរពីអ្នកអាន» ក្នុងទស្សនាវដ្ដីប៉មយាម ថ្ងៃទី១៥ ខែមិថុនា ឆ្នាំ២០០០ និងថ្ងៃទី១៥ខែតុលា ឆ្នាំ២០០០ (ជាភាសាអង់គ្លេស)