អ្វីដែលយើងអាចនិយាយអំពីទស្សនាវដ្ដីយើង
ប៉មយាម ថ្ងៃទី១ ខែធ្នូ
«សព្វថ្ងៃនេះ មនុស្សខ្លះមានអារម្មណ៍មួយថា ពួកគេកំពុងតែស្ថិតក្នុងអាពាហ៍ពិពាហ៍មួយដែលគ្មានសេចក្ដីស្រឡាញ់ហាក់ដូចជាកំពុងតែជាប់គុកតែម្ដង។ តើមនុស្សដែលមានអាពាហ៍ពិពាហ៍បែបនេះអាចទទួលជំនួយពីណាមក? [អនុញ្ញាតឲ្យគាត់ឆ្លើយ] ព្រះគម្ពីរបញ្ជាក់មូលហេតុដែលយើងអាចជឿជាក់ថា គោលការណ៍របស់ព្រះអាចជួយយើងបាន។ [សូមអាន អេសាយ ៤៨:១៧, ១៨] ទស្សនាវដ្ដីប៉មយាមនេះពន្យល់នូវគោលការណ៍ព្រះគម្ពីរដែលអាចពង្រឹងចំណងអាពាហ៍ពិពាហ៍បាន»។
ប៉មយាម ថ្ងៃទី១ ខែធ្នូ
«ដោយសារមនុស្សជាច្រើនសព្វថ្ងៃនេះស្រឡាញ់តែខ្លួនឯង ហេតុនេះពួកគេមានបញ្ហាក្នុងអាពាហ៍ពិពាហ៍។ ប៉ុន្តែ តើគន្លឹះនៃសុភមង្គលក្នុងអាពាហ៍ពិពាហ៍ជាអ្វីទៅ? [អនុញ្ញាតឲ្យគាត់ឆ្លើយ] [សូមអានភីលីព ២:៤] បើទាំងប្ដីទាំងប្រពន្ធធ្វើតាមយោបល់នេះ តើអ្នកគិតថានឹងមានសុភមង្គលច្រើនជាងក្នុងអាពាហ៍ពិពាហ៍ទេ? [អនុញ្ញាតឲ្យគាត់ឆ្លើយ] ប្រសិនបើប្ដីនិងប្រពន្ធចេះលះបង់ដើម្បីគូរបស់គេ នោះនឹងពង្រឹងចំណងអាពាហ៍ពិពាហ៍មែន។ ទស្សនាវដ្ដីនេះពន្យល់យ៉ាងល្អិតល្អន់អំពីរឿងនេះ ហើយខ្ញុំប្រាកដថាអ្នកនឹងចូលចិត្តអាន»។