ចំណេះវិសេសពីបណ្ដាំរបស់ព្រះ | យ៉ូប ៣៣-៣៧

មិត្តល្អឲ្យដំបូន្មានដែលពង្រឹងកម្លាំងចិត្ត

ឯកសារជាសៀវភៅ

ពេលអេលីហ៊ូវបានចូលរួមការសន្ទនា របៀបដែលគាត់និយាយទៅកាន់យ៉ូបគឺខុសពីអេលីផាស ប៊ីលដាឌ និងស៊ូផា។ ពាក្យដំបូន្មានរបស់គាត់ក៏ខុសគ្នាឆ្ងាយពីដំបូន្មានរបស់បុរសបីនាក់នោះដែរ។ គាត់បានបង្ហាញថាគាត់ជាមិត្តភក្ដិល្អនិងជាអ្នកពូកែឲ្យដំបូន្មាន។ គំរូល្អរបស់គាត់សមឲ្យយើងធ្វើតាមមែន។

អេលីហ៊ូវនិយាយទៅកាន់យ៉ូប ដំណាលគ្នានោះអេលីផាស ប៊ីលដាឌ និងស៊ូផាអង្គុយមើល

គុណសម្បត្ដិរបស់អ្នកពូកែឲ្យដំបូន្មាន	អេលីហ៊ូវបានទុកគំរូល្អ
៣២:៤-៧, ១១, ១២; ៣៣:១
អត់ធ្មត់ យកចិត្តទុកដាក់ គោរពអ្នកឯទៀត	អេលីហ៊ូវបានរង់ចាំដោយអត់ធ្មត់រហូតដល់អ្នកដែលចាស់ជាងគាត់និយាយចប់សិន ទើបគាត់និយាយ ដោយស្ដាប់យ៉ាងយកចិត្តទុកដាក់ គាត់បានយល់ច្បាស់ជាងនូវរឿងផ្សេងៗមុននឹងឲ្យដំបូន្មាន គាត់បានហៅឈ្មោះយ៉ូប ហើយនិយាយទៅកាន់គាត់ក្នុងនាមជាមិត្តភក្ដិម្នាក់
៣៣:៦, ៧, ៣២
ចិត្តរាបទាប ស្រួលទាក់ទង ចេះយល់អារម្មណ៍	អេលីហ៊ូវមានចិត្តរាបទាបនិងចិត្តសប្បុរស គាត់ទទួលស្គាល់ថាគាត់ក៏មានភាពមិនល្អឥតខ្ចោះដែរ គាត់យល់អារម្មណ៍របស់យ៉ូបដែលកំពុងរងទុក្ខវេទនា
៣៣:២៤, ២៥; ៣៥:២, ៥
មានតុល្យភាព សប្បុរស ផ្ដោតអារម្មណ៍លើព្រះ	អេលីហ៊ូវបានបង្ហាញយ៉ូបដោយសប្បុរសថាទស្សនៈរបស់យ៉ូបមិនតែងតែត្រឹមត្រូវជានិច្ចនោះទេ អេលីហ៊ូវបានជួយយ៉ូបឲ្យឃើញថាភាពសុចរិតរបស់យ៉ូបមិនមែនជាអ្វីដែលសំខាន់បំផុតនោះទេ ដំបូន្មានដ៏ល្អរបស់អេលីហ៊ូវបានជួយយ៉ូបឲ្យត្រៀមចិត្តទទួលការណែនាំថែមទៀតពីព្រះយេហូវ៉ា