ចំណេះវិសេសពីបណ្ដាំរបស់ព្រះ | ទំនុកតម្កើង ៣៤-៣៧
ចូរទុកចិត្តនឹងព្រះយេហូវ៉ា ហើយប្រព្រឹត្តការល្អ
«កុំឲ្យច្រណែននឹងពួកអ្នកដែលធ្វើការទុច្ចរិត»
កុំឲ្យភាពជោគជ័យរបស់មនុស្សទុច្ចរិតដែលមិនស្ថិតស្ថេរ បំបែរអារម្មណ៍អ្នកពីការបម្រើព្រះយេហូវ៉ាឡើយ។ សូមផ្ដោតអារម្មណ៍ជានិច្ចទៅលើគោលដៅក្នុងកិច្ចបម្រើព្រះ និងពរដែលអ្នកបានទទួល
«ចូរទុកចិត្តនឹងព្រះយេហូវ៉ា ហើយប្រព្រឹត្តការល្អ»
សូមទុកចិត្តថាព្រះយេហូវ៉ានឹងជួយអ្នក ពេលអ្នកមានទុក្ខកង្វល់ផ្សេងៗ ព្រមទាំងជួយអ្នកយកឈ្នះអារម្មណ៍សង្ស័យណាដែលអ្នកមាន។ លោកនឹងជួយអ្នកឲ្យនៅស្មោះត្រង់
សូមជាប់រវល់ក្នុងកិច្ចការផ្សព្វផ្សាយដំណឹងល្អអំពីរាជាណាចក្រព្រះ
«ចូរយកព្រះយេហូវ៉ាជាសេចក្ដីអំណរ»
សូមកំណត់ពេលវេលាដើម្បីអាននិងរំពឹងគិតបណ្ដាំរបស់ព្រះយេហូវ៉ា ដោយមានគោលដៅស្គាល់លោកឲ្យកាន់តែច្បាស់
«ចូរទុកដាក់ផ្លូវអ្នកនឹងព្រះយេហូវ៉ា»
សូមមានទំនុកចិត្តទាំងស្រុងទៅលើព្រះយេហូវ៉ា ថាលោកនឹងជួយអ្នកដោះស្រាយគ្រប់បញ្ហា
សូមប្រព្រឹត្តល្អជានិច្ច ទោះជាអ្នកជួបនឹងការប្រឆាំង ការបៀតបៀន ឬមានអ្នកឯទៀតបង្កាច់បង្ខូចអ្នកក៏ដោយ
«ចូរស្ងៀមនៅចំពោះព្រះយេហូវ៉ា ហើយរង់ចាំទ្រង់»
សូមកុំឆាប់ធ្វើអ្វីមួយដែលអាចនាំឲ្យអ្នកបាត់បង់អំណរ និងបង្ខូចចំណងមិត្តភាពរវាងអ្នកនិងព្រះយេហូវ៉ាឡើយ
«មនុស្សរាបសា . . . នឹងបានផែនដីជាមរដក»
សូមស្វែងរកសេចក្ដីសុភាព ហើយរង់ចាំព្រះយេហូវ៉ាដោយចិត្តរាបទាប ពេលដែលលោកបំបាត់ចោលអំពើអយុត្ដិធម៌គ្រប់យ៉ាង
សូមជួយបងប្អូនរួមជំនឿ ហើយសម្រាលទុក្ខអ្នកដែលកើតទុក្ខ ដោយប្រាប់អំពីសេចក្ដីសន្យារបស់ព្រះអំពីពិភពលោកថ្មីដែលនឹងមាននាពេលឆាប់ៗខាងមុខនេះ
រាជាណាចក្ររបស់មេស្ស៊ីនឹងនាំមកនូវពរជាបរិបូរ