របៀបរស់នៅជាគ្រិស្តសាសនិក
សូមទទួលប្រយោជន៍កាន់តែច្រើនពីការសិក្សាផ្ទាល់ខ្លួនរបស់អ្នក
ហេតុអ្វីសំខាន់: ការសិក្សាគម្ពីរផ្ទាល់ខ្លួនជួយយើងឲ្យយល់ច្បាស់អំពី«ទទឹង បណ្ដោយ កម្ពស់ និងជម្រៅ»នៃសេចក្ដីពិត។ (អេភ. ៣:១៨) នេះក៏ជួយយើងឲ្យរក្សាខ្លួនជាមនុស្សដែលគ្មានកន្លែងបន្ទោស និងឥតសៅហ្មងក្នុងចំណោមពិភពលោកដ៏ទុច្ចរិតនេះ ព្រមទាំងជួយយើងឲ្យ«បន្តកាន់ខ្ជាប់នូវបណ្ដាំនៃជីវិត»ផងដែរ។ (ភី. ២:១៥, ១៦) ពេលសិក្សាផ្ទាល់ខ្លួន យើងអាចជ្រើសរើសព័ត៌មានតាមសេចក្ដីត្រូវការរបស់យើងម្នាក់ៗ។ តើយើងអាចធ្វើអ្វីខ្លះដើម្បីទទួលប្រយោជន៍ច្រើនបំផុតពីការអាន និងការសិក្សាគម្ពីរ?
របៀបអនុវត្ត:
គូសខគម្ពីរ និងសរសេរកំណត់ក្នុងគម្ពីរដែលអ្នកប្រើដើម្បីសិក្សាផ្ទាល់ខ្លួន។ អ្នកអាចធ្វើដូច្នេះក្នុងសៀវភៅគម្ពីរ ឬគម្ពីរក្នុងគ្រឿងអេឡិចត្រូនិក
ពេលអានបណ្ដាំរបស់ព្រះ សូមសួរខ្លួនអ្នកនូវសំណួរទាំងនេះ៖ ‹នរណា? អ្វី? ពេលណា? កន្លែងណា? ហេតុអ្វី? តាមរបៀបណា?›
ស្វែងយល់ឲ្យច្បាស់។ សូមប្រើឧបករណ៍ជំនួយស្រាវជ្រាវផ្សេងៗ ដោយស្វែងរកតាមប្រធានបទ ឬខគម្ពីរ
សូមរំពឹងគិតអំពីអ្វីដែលអ្នកអានដើម្បីយល់អំពីរបៀបដែលព័ត៌មាននោះទាក់ទងនឹងអ្នក
សូមអនុវត្តអ្វីដែលអ្នកបានរៀនក្នុងជីវិតប្រចាំថ្ងៃ។—លូក. ៦:៤៧, ៤៨
សូមទស្សនាវីដេអូចូរបន្ត«កាន់ខ្ជាប់»តាមរយៈការសិក្សាផ្ទាល់ខ្លួនដែលមានប្រសិទ្ធភាព រួចមកឆ្លើយសំណួរដូចតទៅ៖
តើបងប្អូនខ្លះបានរៀបរាប់យ៉ាងណាអំពីការសិក្សាផ្ទាល់ខ្លួន?
រាល់ដងពេលយើងចាប់ផ្ដើមការសិក្សាផ្ទាល់ខ្លួន ហេតុអ្វីយើងគួរអធិដ្ឋាន?
តើអ្វីអាចជួយយើងឲ្យយល់កាន់តែច្បាស់អំពីព័ត៌មានក្នុងគម្ពីរ?
តើយើងអាចដាក់ប្រភេទចំណាំអ្វីខ្លះក្នុងគម្ពីរសិក្សារបស់យើង?
ពេលសិក្សាបណ្ដាំរបស់ព្រះ ហេតុអ្វីការរំពឹងគិតគឺសំខាន់ម្ល៉េះ?
ស្តីអំពីអ្វីដែលយើងបានរៀន តើយើងគួរធ្វើអ្វី?
«ឱទូលបង្គំស្រឡាញ់ក្រិត្យវិន័យរបស់ទ្រង់ណាស់ហ្ន៎! ទូលបង្គំរំពឹងគិតពីក្រិត្យវិន័យនោះជាដរាបរាល់ថ្ងៃ»។—ទំនុក. ១១៩:៩៧