ចំណេះវិសេសពីបណ្ដាំរបស់ព្រះ | កូឡុស ១-៤
ចូរដោះចេញនូវបុគ្គលិកលក្ខណៈចាស់ រួចបំពាក់ខ្លួនដោយបុគ្គលិកលក្ខណៈថ្មី
តើអ្នកបានធ្វើការកែប្រែលក្ខណៈជាច្រើនក្នុងបុគ្គលិកលក្ខណៈរបស់អ្នកពេលដែលអ្នកចូលក្នុងសេចក្ដីពិតឬទេ? អ្នកអាចប្រាកដថាព្រះយេហូវ៉ាពេញចិត្តចំពោះការខំប្រឹងរបស់អ្នកដើម្បីធ្វើការកែប្រែទាំងនេះ។ (អេស. ៣៣:១១) ទោះជាយ៉ាងណាក៏ដោយ អ្នកត្រូវតែបន្តខំប្រឹងជានិច្ចដើម្បីកុំឲ្យបុគ្គលិកលក្ខណៈចាស់ត្រឡប់មកវិញ ហើយដើម្បីឲ្យអ្នកនៅតែអាចបង្ហាញបុគ្គលិកលក្ខណៈថ្មីជានិច្ច។ ដើម្បីដឹងថាអ្នកត្រូវការរីកចម្រើនលក្ខណៈណាខ្លះ សូមឆ្លើយសំណួរដូចតទៅនេះ៖
តើខ្ញុំនៅតែអន់ចិត្តឬខឹងអ្នកដែលបានធ្វើខុសនឹងខ្ញុំឬទេ?
តើខ្ញុំបង្ហាញចិត្តអត់ធ្មត់ ទោះជាខ្ញុំមានការប្រញាប់ឬអស់កម្លាំងឬទេ?
បើខ្ញុំមានគំនិតស្មោកគ្រោក តើខ្ញុំបំបាត់វាចោលភ្លាមៗឬទេ?
តើខ្ញុំមានទស្សនៈមិនត្រឹមត្រូវចំពោះអ្នកដែលមានពណ៌សម្បុរឬជាតិសាសន៍ខុសពីខ្ញុំឬទេ?
ថ្មីៗនេះ តើខ្ញុំមិនចេះទប់កំហឹង ឬនិយាយអ្វីដែលមិនសប្បុរសទៅកាន់អ្នកណាម្នាក់ឬទេ?