របៀបរស់នៅជាគ្រិស្តសាសនិក
«ចូរបន្តពិចារណាអ្វីៗទាំងនោះ»
តើអ្វីៗទាំងនោះគឺជាអ្វី? នៅភីលីព ៤:៨ ប្រាប់ថាឲ្យយើងពិចារណាអ្វីៗដែលពិត ថ្លៃថ្នូរ សុចរិត បរិសុទ្ធ គួរឲ្យស្រឡាញ់ កេរ្ដិ៍ឈ្មោះល្អ គុណធម៌ និងអ្វីៗដែលគួរឲ្យសរសើរ។ ពិតណាស់ នេះមិនមានន័យថាគ្រិស្តសាសនិកត្រូវគិតតែអំពីអ្វីដែលមានក្នុងគម្ពីរប៉ុណ្ណោះទេ។ តែអ្វីដែលយើងគិតគួរតែធ្វើឲ្យព្រះយេហូវ៉ាពេញចិត្ត ហើយមិនគួរធ្វើឲ្យយើងពិបាករក្សាភាពស្មោះត្រង់ចំពោះលោកឡើយ។—ទំនុក. ១៩:១៤
យើងមានការពិបាកក្នុងការជៀសចេញពីគំនិតដែលមិនត្រឹមត្រូវ។ យើងមិនគ្រាន់តែត្រូវទប់ទល់នឹងភាពមិនល្អឥតខ្ចោះរបស់យើងប៉ុណ្ណោះទេ តែក៏ត្រូវទប់ទល់នឹងសាថាន ដែលជា«ព្រះនៃរបៀបរបបពិភពលោកនេះ»ដែរ។ (២កូ. ៤:៤) ពីព្រោះសាថានកំពុងគ្រប់គ្រងប្រព័ន្ធឃោសនារបស់ពិភពលោក ដូចជាទូរទស្សន៍ វិទ្យុ ប្រព័ន្ធអ៊ីនធឺណិត រួមទាំងអ្វីដែលយើងអានដូចជាកាសែត ទស្សនាវដ្ដី និងសៀវភៅជាដើម អ្វីទាំងនោះមានព័ត៌មានដ៏ថោកទាប។ បើយើងមិនប្រុងប្រយ័ត្នក្នុងការស្ដាប់ មើលនិងអាន នោះអាចបង្ខូចរបៀបគិតគូររបស់យើង ហើយនៅទីបំផុត អាចមានឥទ្ធិពលទៅលើការប្រព្រឹត្តរបស់យើង។—យ៉ា. ១:១៤, ១៥
សូមទស្សនាវីដេអូចូរជៀសចេញពីទង្វើណាដែលបង្ខូចភក្ដីភាព ពោលគឺការកម្សាន្តឥតសមរម្យ រួចមកសូមឆ្លើយសំណួរដូចតទៅ៖
តើបងប្រុសបានមើលអ្វីក្នុងទូរស័ព្ទដៃរបស់គាត់ ហើយតើនោះមានឥទ្ធិពលយ៉ាងណាទៅលើគាត់?
តើបទគម្ពីរនៅកាឡាទី៦:៧, ៨ និងទំនុកតម្កើង ១១៩:៣៧បានជួយគាត់យ៉ាងណា?