របៀបរស់នៅជាគ្រិស្តសាសនិក
តើអ្នកអាចផ្ដល់ពេលវេលានិងកម្លាំងរបស់អ្នកឬទេ?
ដូចអេសាយបានទាយទុក យើងកំពុងឃើញការកើនឡើងដែលមិនធ្លាប់មាននៅអង្គការរបស់ព្រះយេហូវ៉ាផ្នែកនៅផែនដី។ (អេ. ៥៤:២) ដោយសារកំណើននេះ យើងត្រូវសាងសង់សាលប្រជុំ សាលសន្និបាត និងការិយាល័យសាខាថ្មីៗ។ ក្រោយសាងសង់ អគារទាំងនេះត្រូវការការថែទាំ ហើយនៅទីបំផុតអគារខ្លះត្រូវការជួសជុល។ ដូច្នេះ តើយើងមានឱកាសអ្វីខ្លះដើម្បីផ្ដល់ពេលវេលានិងកម្លាំងរបស់យើងជូនព្រះយេហូវ៉ា?
យើងអាចចូលរួមពេលក្រុមផ្សព្វផ្សាយរបស់យើងត្រូវសម្អាតសាលប្រជុំ
យើងអាចស្ម័គ្រចិត្តទទួលការអប់រំដើម្បីថែទាំសាលប្រជុំ
យើងអាចដាក់ពាក្យសុំសម្រាប់អ្នកស្ម័គ្រចិត្តបម្រើផ្នែករចនាប្លង់និងសាងសង់តាមតំបន់ (DC-50) ដើម្បីជួយម្ដងម្កាលក្នុងគម្រោងសាងសង់និងថែទាំនៅជិតលំនៅរបស់យើង។
យើងអាចដាក់ពាក្យសុំបម្រើស្ម័គ្រចិត្ត (A-19) ហើយស្ម័គ្រចិត្តជួយមួយសប្ដាហ៍ឬច្រើនជាងក្នុងតំបន់ការិយាល័យសាខានៅបេតអែល ឬនៅអគាររបស់ការិយាល័យឯទៀត
សូមទស្សនាវីដេអូគម្រោងសាងសង់ថ្មី ឈុតខ្លី រួចមកឆ្លើយសំណួរដូចតទៅនេះ៖
តាំងពីឆ្នាំ២០១៤មក តើយើងបានប្រើវីដេអូច្រើនដល់កម្រិតណា?
ដើម្បីរៀបចំវីដេអូដែលយើងត្រូវការក្នុងការគោរពប្រណិប័តន៍របស់យើង តើមានគម្រោងសាងសង់ថ្មីអ្វី ហើយតើនេះនឹងចាប់ផ្ដើមនិងបញ្ចប់នៅពេលណា?
តើអ្នកស្ម័គ្រចិត្តអាចជួយក្នុងគម្រោងនេះយ៉ាងដូចម្ដេច?
បើយើងចង់ជួយក្នុងការសាងសង់នៅក្រុងរ៉ាម៉ាភូ ហេតុអ្វីយើងគួរដាក់ពាក្យ (DC-50) ហើយជួយក្នុងគម្រោងសាងសង់របស់ផ្នែករចនាប្លង់និងសាងសង់តាមតំបន់ដែលមាននៅជិតលំនៅយើង?
តើមានភ័ស្តុតាងអ្វីដែលបញ្ជាក់ថាព្រះយេហូវ៉ាកំពុង«ណែនាំ»ឲ្យធ្វើគម្រោងនេះ?
ទោះជាយើងមិនអាចជួយខាងសាងសង់ដោយផ្ទាល់ក៏ដោយ តើយើងអាចគាំទ្រគម្រោងនេះយ៉ាងណា?