របៀបរស់នៅជាគ្រិស្តសាសនិក
មហាសន្និបាតប្រចាំឆ្នាំផ្ដល់ឱកាសឲ្យយើងបង្ហាញសេចក្ដីស្រឡាញ់
ហេតុអ្វីបានជាយើងចូលចិត្តមហាសន្និបាតប្រចាំឆ្នាំខ្លាំងម្ល៉េះ? ដូចនៅអ៊ីស្រាអែលសម័យបុរាណ មហាសន្និបាតរបស់យើងផ្ដល់ឱកាសឲ្យយើងគោរពប្រណិប័តន៍ព្រះយេហូវ៉ាជាមួយនឹងបងប្អូនរួមជំនឿរាប់រយនាក់ សូម្បីតែរាប់ពាន់នាក់ទៀតផង។ យើងសប្បាយទទួលបានការណែនាំដែលប្រៀបដូចជាអាហារដ៏បរិបូរ។ យើងក៏អាចចំណាយពេលវេលាដ៏មានតម្លៃរបស់យើងជាមួយមិត្តភក្ដិនិងក្រុមគ្រួសារផងដែរ។ ចិត្តកតញ្ញូរបស់យើងចំពោះអ្វីទាំងនេះជំរុញចិត្តយើងឲ្យចង់ចូលរួមមហាសន្និបាតទាំងបីថ្ងៃ។
ពេលយើងមានឱកាសជួបជុំគ្នា យើងមិនគ្រាន់តែគិតអំពីអ្វីដែលយើងអាចទទួលប៉ុណ្ណោះទេ ប៉ុន្តែយើងក៏ត្រូវគិតអំពីរបៀបដែលយើងអាចបង្ហាញសេចក្ដីស្រឡាញ់ចំពោះអ្នកឯទៀតដែរ។ (កាឡ. ៦:១០; ហេ. ១០:២៤, ២៥) ពេលយើងបើកទ្វារឲ្យបងប្អូនរបស់យើងឬទុកកៅអីដែលយើងត្រូវការប៉ុណ្ណោះ យើងបង្ហាញថាយើងកំពុងយកចិត្តទុកដាក់ចំពោះអ្នកឯទៀត។ (ភី. ២:៣, ៤) មហាសន្និបាតផ្ដល់ឱកាសដ៏ល្អប្រសើរដើម្បីឲ្យយើងអាចរាប់អានមិត្តភក្ដិថ្មីៗ។ នៅមុនកម្មវិធី ក្រោយកម្មវិធី និងពេលសម្រាកញ៉ាំអាហារ យើងអាចព្យាយាមស្គាល់បងប្អូនដែលយើងមិនធ្លាប់ជួបពីមុន។ (២កូ. ៦:១៣) ពេលយើងធ្វើដូច្នេះ យើងអាចចាប់ផ្ដើមចំណងមិត្តភាពដែលស្ថិតស្ថេរអស់មួយជីវិត! លើសពីនេះទៅទៀត ពេលដែលអ្នកដទៃឃើញយើងបង្ហាញសេចក្ដីស្រឡាញ់ពិត នេះអាចជំរុញចិត្តពួកគេឲ្យសម្រេចចិត្តបម្រើព្រះយេហូវ៉ាជាមួយនឹងយើងដែរ។—យ៉ូន. ១៣:៣៥
សូមទស្សនាវីដេអូ មហាសន្និបាតអន្តរជាតិ «សេចក្ដីស្រឡាញ់មិនចេះសាបសូន្យឡើយ»! រួចឆ្លើយសំណួរដូចតទៅនេះ
តើតាមរបៀបណាសេចក្ដីស្រឡាញ់បានត្រូវបង្ហាញចំពោះបងប្អូនដែលត្រូវអញ្ជើញមកពីកន្លែងផ្សេងៗដើម្បីចូលរួមមហាសន្និបាតអន្តរជាតិឆ្នាំ២០១៩?
ហេតុអ្វីសាមគ្គីភាពនិងសេចក្ដីស្រឡាញ់របស់រាស្ត្រព្រះយេហូវ៉ាគឺអស្ចារ្យម្ល៉េះ?
តើសមាជិកនៃគណៈអភិបាលបានលើកឡើងលក្ខណៈអ្វីខ្លះនៃសេចក្ដីស្រឡាញ់?
តើតាមរបៀបណាអ្នកអាចជួយបង្ហាញសេចក្ដីស្រឡាញ់នៅមហាសន្និបាតរបស់យើង?
តើតាមរបៀបណាសេចក្ដីស្រឡាញ់គ្រិស្តសាសនិកធ្វើឲ្យបងប្អូននៅប្រទេសអាល្លឺម៉ង់និងប្រទេសកូរ៉េខាងត្បូងមានសាមគ្គីភាព?
តើយើងគួរតាំងចិត្តធ្វើអ្វី?