ចូរខំព្យាយាមក្នុងកិច្ចបម្រើផ្សាយ | ចូរបង្កើនអំណររបស់អ្នកក្នុងកិច្ចបម្រើផ្សាយ
ចូរជួយសិស្សគម្ពីរអ្នកឲ្យយកឈ្នះទម្លាប់ស្មោកគ្រោក
មានតែអ្នកដែលមានភាពស្អាតស្អំខាងសីលធម៌ប៉ុណ្ណោះដែលអាចមានចំណងមិត្តភាពជិតស្និទ្ធជាមួយព្រះយេហូវ៉ា។ (១ពេ. ១:១៤-១៦) ពេលសិស្សគម្ពីរយកឈ្នះទម្លាប់ស្មោកគ្រោក នោះពួកគេអាចទទួលប្រយោជន៍ខាងសុខភាព ខាងលុយកាក់ និងនៅក្នុងក្រុមគ្រួសារដែរ។
សូមពន្យល់យ៉ាងច្បាស់អំពីខ្នាតតម្រាសីលធម៌របស់ព្រះយេហូវ៉ា មូលហេតុដែលមានខ្នាតតម្រាទាំងនោះ និងប្រយោជន៍ដែលសិស្សនឹងទទួលបើពួកគេធ្វើតាមខ្នាតតម្រាសីលធម៌របស់ព្រះ។ សូមប្រមូលអារម្មណ៍ទៅលើការជួយសិស្សរបស់អ្នកឲ្យកែប្រែការគិតគូររបស់ពួកគេ ហើយក្រោយមកពួកគេនឹងធ្វើអ្វីដែលព្រះយេហូវ៉ាពេញចិត្ត។ (អេភ. ៤:២២-២៤) ចូរពង្រឹងទំនុកចិត្តសិស្សរបស់អ្នកថា ដោយមានជំនួយពីព្រះយេហូវ៉ានោះពួកគេអាចយកឈ្នះទម្លាប់ស្មោកគ្រោកបាន ទោះបីជាពួកគេមានទម្លាប់នោះអស់ជាច្រើនឆ្នាំហើយក៏ដោយ។ (ភី. ៤:១៣) បង្រៀនពួកគេឲ្យអធិដ្ឋានសុំជំនួយពីព្រះយេហូវ៉ានៅពេលដែលពួកគេមានទំនោរចិត្តចង់ធ្វើអ្វីដែលខុស។ ជួយពួកគេឲ្យចេះសម្គាល់និងជៀសវាងពីស្ថានភាពដែលនាំឲ្យពួកគេពិបាកធ្វើអ្វីដែលត្រឹមត្រូវ។ លើកទឹកចិត្តពួកគេឲ្យជំនួសទម្លាប់ស្មោកគ្រោកដោយធ្វើអ្វីដែលមានប្រយោជន៍។ អ្នកនឹងមានអំណរជាខ្លាំងពេលដែលអ្នកឃើញថាសិស្សគម្ពីររបស់អ្នកបានធ្វើការកែប្រែដោយមានជំនួយពីព្រះយេហូវ៉ា។
សូមទស្សនាវីដេអូចូរជួយសិស្សគម្ពីរអ្នកឲ្យយកឈ្នះទម្លាប់ស្មោកគ្រោក រួចឆ្លើយសំណួរដូចតទៅនេះ៖
តើតាមរបៀបណាអ្នកចាស់ទុំនិងនីតាបានបង្ហាញទំនុកចិត្តទៅលើហ្គិច?
តើនីតាបានផ្ដល់ជំនួយបន្ថែមដល់ហ្គិចយ៉ាងដូចម្ដេច?
តើតាមរបៀបណាហ្គិចបានសុំជំនួយពីព្រះយេហូវ៉ា?