របៀបរស់នៅជាគ្រិស្តសាសនិក
ទុក្ខលំបាកទាំងអស់មានទីបញ្ចប់
ទុក្ខលំបាកផ្សេងៗអាចធ្វើឲ្យយើងធ្លាក់ទឹកចិត្ត ជាពិសេសពេលដែលទុក្ខលំបាកនោះមើលទៅមានរយៈពេលយូរ។ ដាវីឌដឹងថាទុក្ខលំបាកដែលគាត់ជួបដោយសារស្ដេចសុលនឹងមានទីបញ្ចប់ ហើយដឹងថាគាត់នឹងក្លាយទៅជាស្ដេចដូចព្រះយេហូវ៉ាបានសន្យា។ (១សាំ. ១៦:១៣) ជំនឿរបស់ដាវីឌបានជួយគាត់ឲ្យមានចិត្តអត់ធ្មត់ហើយរង់ចាំព្រះយេហូវ៉ាផ្លាស់ប្ដូរស្ថានភាពរបស់គាត់។
ពេលជួបទុក្ខលំបាក យើងអាចប្រើគំនិតឈ្លាសវៃ ចំណេះឬសមត្ថភាពរិះគិតរបស់យើងដើម្បីផ្លាស់ប្ដូរស្ថានភាព។ (១សាំ. ២១:១២-១៤; សុភ. ១:៤) ប៉ុន្តែ បញ្ហាខ្លះនៅតែមាន ទោះជាយើងបានធ្វើអ្វីៗទាំងអស់ដែលយើងអាចធ្វើទៅបានស្របតាមគោលការណ៍គម្ពីរក៏ដោយ។ ក្នុងករណីបែបនេះ យើងត្រូវតែបង្ហាញចិត្តអត់ធ្មត់ហើយរង់ចាំព្រះយេហូវ៉ា។ មិនយូរទៀត លោកនឹងបំបាត់ទុក្ខវេទនាទាំងអស់ ហើយ«ជូតអស់ទាំងទឹកភ្នែក»ចេញពីភ្នែករបស់យើង។ (បប. ២១:៤) មិនថាយើងលែងមានទុក្ខលំបាកដោយសារព្រះយេហូវ៉ាបានផ្ដល់ជំនួយដល់យើង ឬដោយសារអ្វីផ្សេងទៀតក៏ដោយ យើងអាចប្រាកដថាទុក្ខលំបាកទាំងអស់មានទីបញ្ចប់។ ការដឹងដូច្នេះអាចសម្រាលទុក្ខយើង។
សូមទស្សនាវីដេអូសាមគ្គីភាពរាស្ត្ររបស់ព្រះយេហូវ៉ាក្នុងពិភពលោកដែលកំពុងបែកបាក់ រួចឆ្លើយសំណួរដូចតទៅនេះ៖
តើគ្រិស្តសាសនិកខ្លះនៅសហរដ្ឋអាម៉េរិកខាងត្បូងបានជួបការពិបាកអ្វីខ្លះ?
តើតាមរបៀបណាពួកគេបានបង្ហាញចិត្តអត់ធ្មត់និងសេចក្ដីស្រឡាញ់?
តើពួកគេបានបន្តផ្ដោតអារម្មណ៍ទៅលើ«អ្វីដែលសំខាន់ជាង»យ៉ាងដូចម្ដេច?—ភី. ១:១០