របៀបរស់នៅជាគ្រិស្តសាសនិក
ចូរប្រើព្រឹត្តិការណ៍ថ្មីៗដែលកំពុងកើតឡើង ក្នុងកិច្ចបម្រើផ្សាយរបស់អ្នក
ក្នុងកិច្ចបម្រើផ្សាយរបស់លោកយេស៊ូ លោកបានប្រើព្រឹត្តិការណ៍ថ្មីៗដែលកំពុងកើតឡើងដើម្បីបង្រៀនមេរៀនផ្សេងៗ។ (លូក. ១៣:១-៥) អ្នកក៏អាចធ្វើដូចគ្នាដែរដើម្បីធ្វើឲ្យមនុស្សចាប់អារម្មណ៍នឹងដំណឹងដែលអ្នកផ្សាយ។ បន្ទាប់ពីអ្នកលើកឡើងអំពីការពិបាករកស៊ី មហន្តរាយធម្មជាតិ ភាពចលាចល ការប្រើគ្រឿងញៀន ឬអ្វីស្រដៀងនឹងនេះ សូមសួរសំណួរមួយដែលជួយឲ្យម្ចាស់ផ្ទះត្រិះរិះ។ អ្នកប្រហែលជាអាចសួរថា «តើអ្នកគិតថា . . . នឹងមានទីបញ្ចប់ឬទេ?» ឬ«តើអ្នកគិតថាអ្វីជាដំណោះស្រាយចំពោះ . . . ?»។ ក្រោយមក ប្រាប់ខគម្ពីរមួយដែលទាក់ទងនឹងប្រធានបទ។ បើបុគ្គលនោះបង្ហាញចំណាប់អារម្មណ៍ សូមស្នើផ្ដល់វីដេអូឬសៀវភៅមួយក្នុងឧបករណ៍ដើម្បីបង្រៀនគម្ពីរ។ កាលដែលយើងព្យាយាមមានឥទ្ធិពលទៅលើចិត្តរបស់មនុស្សក្នុងតំបន់ផ្សាយរបស់យើង សូមយើង«ធ្វើអ្វីៗទាំងអស់ដោយសារតែដំណឹងល្អ»។—១កូ. ៩:២២, ២៣
តើមនុស្សនៅតំបន់ផ្សាយរបស់អ្នកចាប់អារម្មណ៍នឹងរឿងអ្វីខ្លះ?