របៀបរស់នៅជាគ្រិស្តសាសនិក

ចូរជួយមនុស្សដែលមិនកាន់សាសនាឲ្យស្គាល់អ្នកបង្កើតរបស់ពួកគេ

តើអ្នកធ្លាប់ស្ទាក់ស្ទើរផ្សព្វផ្សាយដល់មនុស្សដែលមិនកាន់សាសនា ដោយគិតថាពួកគេទំនងជាមិនចាប់អារម្មណ៍ឬទេ? បើអ្នកធ្លាប់ សូមចាំថាមនុស្សជាច្រើនដែលមិនកាន់សាសនា រួមទាំងពួកអ្នកដែលមិនជឿថាមានព្រះ ក៏បានក្លាយទៅជាសាក្សីព្រះយេហូវ៉ាដែរ។ ភាគច្រើនពួកគេគ្រាន់តែត្រូវការជំនួយដើម្បីពិនិត្យមើលភ័ស្តុតាងដែលបញ្ជាក់ថាពិតជាមានព្រះមែន។—រ៉ូម ១:២០; ១០:១៤

សូមទស្សនាវីដេអូ ចូរចាំថា មនុស្សដែលខ្វះជំនឿអាចមានជំនឿ!—អ្នកដែលមិនកាន់សាសនា រួចឆ្លើយសំណួរដូចតទៅនេះ៖

តើតាមរបៀបណាបទពិសោធន៍របស់ថូម៉ាហ្សូ ជួយអ្នកឲ្យមានទស្សនៈត្រឹមត្រូវអំពីការផ្សព្វផ្សាយដល់មនុស្សដែលមិនកាន់សាសនា?

ចម្លើយរបស់អ្នក

របៀបអនុវត្ត

បើបុគ្គលម្នាក់និយាយថាគាត់មិនជឿថាមានព្រះទេ សូមបង្ហាញសេចក្ដីសប្បុរស មិនធ្វើឲ្យគាត់ទើសចិត្ត ហើយបង្ហាញការចាប់អារម្មណ៍យ៉ាងស្មោះទៅលើគំនិតនិងអារម្មណ៍របស់គាត់ស្ដីអំពីរឿងនេះ។ (២ធី. ២:២៤) ពិគ្រោះអំពីប្រធានបទដែលគាត់ប្រហែលជាចូលចិត្ត។ តើគាត់សុខចិត្តពិគ្រោះអំពីភ័ស្តុតាងផ្សេងៗដែលបាននាំឲ្យមនុស្សជាច្រើនជឿទៅលើអ្នកបង្កើតឬទេ? បើគាត់សុខចិត្តមែន សូមប្រើសៀវភៅនិងវីដេអូផ្សេងៗដែលបានត្រូវរៀបចំឡើងដើម្បីជួយមនុស្សឲ្យជឿបែបនោះ។ សៀវភៅស្ដើងតើជីវិតទាំងឡាយមានអ្នកបង្កើតឬទេ? និងដើមកំណើតនៃជីវិត សំណួរទាំងប្រាំដែលយើងគួរឆ្ងល់ បានត្រូវដាក់បញ្ចូលក្នុងឧបករណ៍ដើម្បីបង្រៀនគម្ពីរ ដើម្បីយើងងាយស្រួលរកឃើញ។

ដំបូង យើងប្រហែលជាស្ទាក់ស្ទើរមិនចង់ផ្សព្វផ្សាយដល់អ្នកដែលមិនជឿថាមានព្រះទេ។ យកល្អឲ្យយើងសុំជំនួយពីអ្នកផ្សព្វផ្សាយដែលមានបទពិសោធន៍ម្នាក់។ ម្យ៉ាងទៀត សូមចាំថាព្រះយេហូវ៉ាអាចជួយយើងឲ្យជួយមនុស្សដែលមានចិត្តគំនិតត្រឹមត្រូវ ទោះបីជាដំបូងពួកគេមិនជឿថាមានព្រះក៏ដោយ។—សកម្ម. ១៣:៤៨