យោបល់សម្រាប់សិក្សា
ចូរស្វែងយល់ថែមទៀតអំពីគុណសម្បត្តិដ៏ថ្លៃថ្លារបស់ព្រះយេហូវ៉ា
ពេលយើងអានគម្ពីរ យើងអាចប្រើឧបករណ៍ស្រាវជ្រាវផ្សេងៗដើម្បីយល់ច្បាស់ជាងអំពីអ្វីដែលយើងអាន។ ប៉ុន្តែ យើងមិនគ្រាន់តែចង់បង្កើនចំណេះរបស់យើងអំពីគម្ពីរទេ។ យើងចង់ស្វែងយល់ថែមទៀតអំពីបុគ្គលិកលក្ខណៈរបស់ព្រះយេហូវ៉ា ដែលនឹងនាំឲ្យយើងស្រឡាញ់លោកកាន់តែខ្លាំង។ ដើម្បីធ្វើដូច្នេះ យើងអាចសួរខ្លួនថា ‹តើកំណត់ហេតុនេះបង្រៀនខ្ញុំអ្វីអំពីព្រះយេហូវ៉ា?›។
ជាឧទាហរណ៍ យើងអាចព្យាយាមស្វែងយល់អំពីរបៀបដែលព្រះយេហូវ៉ាបង្ហាញសេចក្ដីស្រឡាញ់ ប្រាជ្ញា យុត្តិធម៌ និងឫទ្ធានុភាពរបស់លោក។ ក្រៅពីនោះ អ្នកក៏អាចរៀនអំពីគុណសម្បត្តិដ៏អស្ចារ្យជាច្រើនទៀតរបស់ព្រះយេហូវ៉ា។ តើអ្នកអាចរកឃើញព័ត៌មានថែមទៀតអំពីគុណសម្បត្តិរបស់លោកនៅឯណា?
នៅក្នុងជំនួយស្រាវជ្រាវសម្រាប់សាក្សីព្រះយេហូវ៉ា សូមទៅប្រធានបទ«ព្រះយេហូវ៉ា» រួចមក«គុណសម្បត្តិរបស់ព្រះយេហូវ៉ា» ហើយសូមផ្ដោតអារម្មណ៍ទៅលើគុណសម្បត្តិដែលសឲ្យឃើញក្នុងអ្វីដែលអ្នកបានអានក្នុងគម្ពីរ។