យោបល់សម្រាប់សិក្សា
ចូរប្រើគម្ពីរដូចប្រើកញ្ចក់
យ៉ាកុបដែលជាអ្នកកាន់តាមលោកយេស៊ូ បានប្រដូចគម្ពីរទៅនឹងកញ្ចក់ដែលជួយយើងឲ្យឃើញធាតុពិតរបស់ខ្លួន។ (យ៉ា. ១:២២-២៥) តើយើងអាចប្រើគម្ពីរឲ្យបានត្រឹមត្រូវដូចប្រើកញ្ចក់យ៉ាងដូចម្ដេច?
សូមអានគម្ពីរដោយយកចិត្តទុកដាក់។ បើសិនជាយើងគ្រាន់តែឆ្លុះកញ្ចក់លឿនៗហើយចេញទៅ នោះយើងប្រហែលជាមើលរំលងអ្វីមិនស្អាតដែលយើងមិនចង់មានលើខ្លួន។ ស្រដៀងគ្នាដែរ បើយើងអានគម្ពីរលឿនៗ យើងនឹងមិនឃើញអ្វីដែលយើងត្រូវកែប្រែទេ។ ផ្ទុយទៅវិញ ដើម្បីអាចឃើញចំណុចដែលយើងត្រូវកែប្រែ នោះយើងត្រូវអានគម្ពីរយ៉ាងយកចិត្តទុកដាក់។
ចូរផ្ដោតអារម្មណ៍លើអ្វីដែលអ្នកផ្ទាល់ត្រូវរីកចម្រើនមិនមែនអ្នកឯទៀតទេ។ តាមធម្មតា យើងឆ្លុះកញ្ចក់ដើម្បីមើលខ្លួន មិនមែនមើលអ្វីៗដែលមិនស្អាតនៅលើខ្លួនអ្នកឯទៀតទេ។ ស្រដៀងគ្នាដែរ ពេលយើងអានគម្ពីរ យើងនឹងមិនគិតអំពីកំហុសរបស់អ្នកឯទៀត។ បើយើងគិតអំពីកំហុសរបស់ពួកគេ នេះនឹងមិនជួយយើងឲ្យកែតម្រូវនូវចំណុចណាដែលខ្លួនយើងផ្ទាល់ត្រូវរីកចម្រើននោះទេ។
ចូរមានគំនិតសមហេតុសមផល។ បើយើងឆ្លុះកញ្ចក់ ហើយមើលឃើញតែអ្វីដែលយើងមិនចូលចិត្ត នោះយើងអាចធ្លាក់ទឹកចិត្ត។ ស្រដៀងគ្នាដែរ យើងត្រូវមានគំនិតសមហេតុសមផលពេលយើងអានបណ្ដាំរបស់ព្រះ ដោយមិនតម្រូវច្រើនពីខ្លួនឯងជាងព្រះយេហូវ៉ាតម្រូវពីយើងនោះទេ។—យ៉ា. ៣:១៧