ការរញ្ជួយដីដ៏ខ្លាំងនៅប្រទេសតួកគីនិងប្រទេសស៊ីរី តើគម្ពីរចែងយ៉ាងណា?

ព័ត៌មានថ្មី៖ ថ្ងៃទី១០ ខែកុម្ភៈ ឆ្នាំ២០២៣

នៅថ្ងៃព្រហស្បតិ៍ ទី៩ ខែកុម្ភៈ ឆ្នាំ២០២៣ ចំនួនអ្នកស្លាប់ដែលមកពីការរញ្ជួយដីនៅប្រទេសតួកគីនិងស៊ីរីកាលពីថ្ងៃច័ន្ទ បានកើនឡើងជាង២០.០០០នាក់ ហើយមនុស្សរាប់ម៉ឺននាក់បានរងរបួស ហើយមនុស្សរាប់សែននាក់បានបាត់បង់ផ្ទះសម្បែង។

សាក្សីព្រះយេហូវ៉ាបានរៀបចំគណៈកម្មាធិការពីរខាងការផ្ដល់ជំនួយពេលមានមហន្តរាយ ដើម្បីផ្ដល់ជំនួយ ជួយរុករក និងជួយសង្គ្រោះ។ (កាឡាទី ៦:១០) តំណាងការិយាល័យសាខាក្នុងតំបន់ បានទៅដល់កន្លែងរញ្ជួយដីនោះក្នុងចន្លោះ២៤ម៉ោង ទោះជាមានស្ថានភាពពិបាកខាងអាកាសធាតុនិងខាងការធ្វើដំណើរក៏ដោយ។ ការទៅនោះគឺដើម្បីផ្ដល់ជំនួយខាងផ្លូវកាយ ខាងផ្លូវចិត្ត និងខាងជំនឿ ដល់ជនរងគ្រោះ។ (ពេត្រុសទី១ ៥:២) របាយការណ៍ថ្មីអំពីការផ្ដល់ជំនួយរបស់យើងនឹងមានក្នុងទំព័រព័ត៌មានផ្សេងៗ។

គម្ពីរផ្ដល់ការធានាថា៖«ព្រះយេហូវ៉ាaនៅជិតអ្នកដែលមានចិត្តខ្ទេចខ្ទាំ លោកជួយអ្នកដែលបាក់ទឹកចិត្ត»។ (ចម្រៀងសរសើរព្រះ ៣៤:១៨) លោកអ្នកអាចស្វែងរកព័ត៌មាននៅខាងក្រោមពីគម្ពីរ ដែលអាចជួយលោកអ្នកក្នុងគ្រាលំបាកនេះ។

វីដេអូចំណងជើងថា ការសម្រាលទុក្ខអស់អ្នកដែលសោកសង្រេង មានយោបល់ល្អៗដើម្បីសម្រាលទុក្ខអស់អ្នកដែលមានមនុស្សជាទីស្រឡាញ់ស្លាប់។
អត្ថបទដែលមានចំណងជើងថា«របៀបជួយកូនពីឥទ្ធិពលនៃព័ត៌មានរន្ធត់។» មានគោលការណ៍ផ្សេងៗពីគម្ពីរដែលអាចជួយកូនលោកអ្នកពីការខ្វល់ចិត្តហួសហេតុដោយសារព័ត៌មានមិនល្អ។

កាលពីថ្ងៃច័ន្ទទី៦ ខែកុម្ភៈ ឆ្នាំ២០២៣ មានការរញ្ជួយដីដ៏ខ្លាំងបានវាយប្រហារទៅលើប្រទេសតួកគីនិងប្រទេសស៊ីរី។

នៅថ្ងៃដដែលនោះ ព័ត៌មានទាន់ហេតុការណ៍មួយ(Reuters)បានរាយការណ៍ថា៖«មានការរញ្ជួយដីដ៏ខ្លាំងមួយបានកើតឡើងនៅប្រទេសតួកគីនិងភាគខាងជើងឆៀងខាងលិចនៃប្រទេសស៊ីរី ដែលបានសម្លាប់មនុស្សជាង៣.៧០០នាក់។ នេះបានកើតឡើងនៅពេលដែលអាកាសធាតុបានចុះត្រជាក់យ៉ាងខ្លាំង ដែលធ្វើឲ្យស្ថានភាពនោះកាន់តែពិបាកសម្រាប់មនុស្សរាប់ពាន់នាក់ដែលកំពុងរងទុក្ខនិងបាត់បង់ផ្ទះសម្បែងដោយសារការរញ្ជួយដីនោះ។ អាកាសធាតុដ៏ត្រជាក់នេះក៏ធ្វើឲ្យក្រុមអ្នកជួយសង្គ្រោះពិបាករុករកជនរងគ្រោះផងដែរ»។

យើងពិតជាពិបាកចិត្តណាស់ ពេលដែលឮរឿងខ្លោចផ្សាដូចនេះ។ នៅគ្រាដ៏ពិបាកនេះ យើងអាចពឹងលើព្រះយេហូវ៉ា ដែលជា«ព្រះនៃការសម្រាលទុក្ខគ្រប់យ៉ាង»។ (កូរិនថូសទី២ ១:៣) លោកផ្ដល់«ឲ្យយើងមានសេចក្ដីសង្ឃឹម . . . និងការសម្រាលទុក្ខពីបទគម្ពីរ»។—រ៉ូម ១៥:៤

យើងរៀនថា ក្នុងគម្ពីរ៖

បានប្រាប់ទុកជាមុនអំពីការរញ្ជួយដី។
របៀបដែលយើងអាចទទួលការសម្រាលទុក្ខនិងសេចក្ដីសង្ឃឹម។
របៀបដែលព្រះនឹងបំបាត់ចោលទុក្ខវេទនាទាំងអស់។

ដើម្បីស្វែងយល់នូវអ្វីដែលគម្ពីរចែងអំពីប្រធានបទទាំងនេះ សូមអានអត្ថបទដូចខាងក្រោម៖

a យេហូវ៉ាជានាមរបស់ព្រះ។—ចម្រៀងសរសើរព្រះ ៨៣:១៨