ហេតុអ្វីសាក្សីព្រះយេហូវ៉ាមិនប្រើឈើឆ្កាងក្នុងការគោរពប្រណិប័តន៍?
មនុស្សជាច្រើនចាត់ទុកឈើឆ្កាងជាសញ្ញាសម្គាល់គ្រិស្តសាសនិកនៅទូទាំងពិភពលោក។ ទោះជាសាក្សីព្រះយេហូវ៉ាជាគ្រិស្តសាសនិកក្ដី យើងមិនប្រើឈើឆ្កាងក្នុងការគោរពប្រណិប័តន៍ទេ។ ហេតុអ្វី?
មូលហេតុមួយគឺគម្ពីរបានបញ្ជាក់ថាលោកយេស៊ូមិនបានស្លាប់នៅលើឈើឆ្កាងទេ ប៉ុន្តែគឺនៅលើបង្គោលឈើធម្មតាមួយប៉ុណ្ណោះ។ បន្ថែមទៅទៀត គម្ពីរបានព្រមានគ្រិស្តសាសនិកយ៉ាងម៉ឺងម៉ាត់ថា«ចូររត់ចេញពីការគោរពបូជារូបព្រះ»ដែលមានន័យថា កុំប្រើរូបឈើឆ្កាងក្នុងការគោរពប្រណិប័តន៍។—កូរិនថូសទី១ ១០:១៤; យ៉ូហានទី១ ៥:២១
គួរឲ្យកត់សម្គាល់ថា លោកយេស៊ូបានមានប្រសាសន៍ថា៖«មនុស្សគ្រប់គ្នានឹងដឹងថាអ្នករាល់គ្នាជាអ្នកកាន់តាមខ្ញុំ បើអ្នករាល់គ្នាស្រឡាញ់គ្នា»។ (យ៉ូហាន ១៣:៣៤, ៣៥) ក្នុងខនេះលោកយេស៊ូបានបញ្ជាក់ថាសេចក្ដីស្រឡាញ់ដែលលះបង់ប្រយោជន៍ខ្លួន មិនមែនឈើឆ្កាងទេដែលនឹងតំណាងអ្នកកាន់តាមពិតរបស់លោក។