បណ្ណាល័យអ៊ីនធឺណិតរបស់ប៉មយាម

ចូរកាត់ស្រាយព្រះបន្ទូលនៃសេចក្ដីពិតយ៉ាងត្រឹមត្រូវ

២០០២ កិច្ចបម្រើព្រះ | ឧសភា
- ចូរកាត់ស្រាយព្រះបន្ទូលនៃសេចក្ដីពិតយ៉ាងត្រឹមត្រូវ
  
  ^១ ពេលលោកភីលីពធ្វើបន្ទាល់ដល់មន្ត្រីរាជការម្នាក់ ភីលីព«បើកមាត់សំដែងប្រាប់ដំណឹងល្អពីព្រះយេស៊ូវ ចាប់តាំងពីបទគម្ពីរ»។ (កិច្ច. ៨:៣៥) ភីលីពបាន«កាត់ស្រាយព្រះបន្ទូលនៃសេចក្ដីពិតយ៉ាងត្រឹមត្រូវ»។ (២ធី. ២:១៥) ក៏ប៉ុន្តែ ពួកអ្នកធ្វើដំណើរត្រួតពិនិត្យបានកត់សម្គាល់ឃើញថា នៅបច្ចុប្បន្ននេះអ្នកផ្សាយជាច្រើននាក់កម្រប្រើព្រះគម្ពីរពេលផ្សព្វផ្សាយណាស់។ តើអ្នកប្រើព្រះគម្ពីរក្នុងកិច្ចបំរើផ្សាយរបស់អ្នកឬទេ?
  
  ^២ ព្រះបន្ទូលរបស់ព្រះជាមូលដ្ឋានគ្រឹះនៃជំនឿទាំងឡាយរបស់យើង ព្រមទាំងអ្វីដែលយើងបង្រៀនគេផងដែរ។ (២ធី. ៣:១៦, ១៧) ព្រះគម្ពីរជាអ្វីដែលទាក់ចិត្តទាញអារម្មណ៍របស់មនុស្សឲ្យស្គាល់ព្រះយេហូវ៉ា ក៏ជាអ្វីដែលអប់រំពួកគេអំពីរបៀបរស់នៅដែរ។ ហេតុនេះហើយពិតជាមានសារៈសំខាន់ណាស់ ឲ្យយើងប្រើព្រះគម្ពីរក្នុងកិច្ចបំរើផ្សាយរបស់យើង ជាជាងគ្រាន់តែសន្ទនាតាមប្រធានណាដែលយើងចាប់អារម្មណ៍នោះ។ (ហេ. ៤:១២) ដោយសារមនុស្សភាគច្រើនមិនសូវស្គាល់ព្រះគម្ពីរទេ យើងត្រូវអានព្រះគម្ពីរជូនគេស្ដាប់ ដើម្បីបង្ហាញឲ្យគេដឹងអំពីការណែនាំដ៏មានប្រយោជន៍ និងអនាគតដែលព្រះគម្ពីររៀបរាប់បញ្ជាក់សំរាប់មនុស្សជាតិ។
  
  ^៣ ចូរអានចេញពីព្រះគម្ពីរ: អ្នកអាចសាកផ្សព្វផ្សាយដោយមិនកាន់កាតាបទៅជាមួយ។ អ្នកអាចដាក់ឧបករណ៍ផ្សាយដែលអ្នកចង់ផ្ដល់ឲ្យទៅក្នុងស្រោមធំមួយ និងកាន់ព្រះគម្ពីរក្នុងដៃតែម្ដង។ រួចមក ពេលពិភាក្សាជាមួយមនុស្សម្នាក់ អ្នកអាចបើកមើលព្រះគម្ពីរដោយមិនបណ្ដាលឲ្យគេមានអារម្មណ៍ថា អ្នកកំពុងតែឃោសនាសាសនាឡើយ។ ចូរឈរបែបណាដែលអ្នកស្ដាប់អាចមើលតាមអ្វីដែលអ្នកអានពីព្រះគម្ពីរ។ អ្នកក៏អាចសុំគាត់អានខនោះឲ្យឮដែរ។ ការមើលអ្វីដែលព្រះគម្ពីរចែងទុកនោះ នឹងមានឥទ្ធិពលខ្លាំងជាងការអានជូនគាត់ស្ដាប់ទៅទៀត។ តាមពិត អ្នកត្រូវសង្កត់ឲ្យបានជាក់នូវពាក្យណាដែលជាគោលសំខាន់ ដើម្បីជួយឲ្យគាត់យល់ចំណុចសំខាន់។
  
  ^៤ របៀបនិយាយដោយបង្ហាញបទគម្ពីរតែមួយ: ពេលពោលពាក្យគំនាប់រួចហើយ អ្នកអាចនិយាយថា៖ «មនុស្សតែងរិះរកវិធីផ្សេងៗដើម្បីទទួលការណែនាំសំរាប់ជីវិត។ តើអ្នកគិតយ៉ាងណា? តើយើងអាចទទួលការណែនាំដែលមានប្រយោជន៍ពីណាមក? [អនុញ្ញាតឲ្យឆ្លើយ] តើអ្នកមានទស្សនៈយ៉ាងណាអំពីសុភាសិតនេះ? [សូមអាន សុភាសិត ២:៦, ៧ និងអនុញ្ញាតឲ្យឆ្លើយ] ប្រាជ្ញារបស់មនុស្សត្រូវបានសឲ្យឃើញថា កម្រមានប្រយោជន៍ណាស់ ហើយក៏នាំឲ្យមនុស្សជាច្រើនធ្លាក់ទឹកចិត្តដែរ។ ក៏ប៉ុន្តែ ប្រាជ្ញារបស់ព្រះតែងតែមានប្រយោជន៍ ក៏គួរនឹងទុកចិត្តបាន»។ រួចមក បង្ហាញប្រកាសនវត្ថុដែលអ្នកចង់ផ្ដល់ឲ្យ ហើយលើកគោលចំណុចមួយដែលបញ្ជាក់អំពីប្រាជ្ញារបស់ព្រះដែលមានប្រយោជន៍។
  
  ^៥ ព្រះយេស៊ូបានប្រើបទគម្ពីរដើម្បីជួយមនុស្សដែលមានចិត្តស្មោះស។ (លូ. ២៤:៣២) ប៉ុលក៏បានបង្ហាញទីសំអាងពីបទគម្ពីរ ដែលគាំទ្រអ្វីដែលគាត់បង្រៀននោះ។ (កិច្ច. ១៧:២, ៣) យើងនឹងមានចិត្តក្លាហាននិងអំណរកាន់តែច្រើនឡើង ពេលយើងបណ្ដុះឲ្យមានបំនិនក្នុងការកាត់ស្រាយព្រះបន្ទូលនៃសេចក្ដីពិតយ៉ាងត្រឹមត្រូវ។

អ្វីដែលយើងអាចនិយាយអំពីទស្សនាវដ្ដីយើង

២០០២ កិច្ចបម្រើព្រះ | ឧសភា
- អ្វីដែលយើងអាចនិយាយអំពីទស្សនាវដ្ដីយើង
  
  ប៉មយាម ថ្ងៃទី១ ខែមិថុនា
  
  «សាសនាភាគច្រើនបង្រៀនថា អំពើអាក្រក់ត្រូវមានទីបញ្ចប់។ សូមកត់សម្គាល់នូវអ្វីដែលបានកត់ទុកក្នុងសៀវភៅនេះ។ [សូមអាន ពេត្រុសទី២ ៣:៧] អ្នកអាចឃើញថា ឆាប់ៗខាងមុខនេះនឹងលែងមានអំពើអាក្រក់តទៅទៀតហើយ។ ប៉ុន្តែ តើមនុស្សសុចរិតនឹងទៅជាយ៉ាងណា? [អនុញ្ញាតឲ្យឆ្លើយ] អ្នកអាចរកឃើញចម្លើយនៅក្នុងអត្ថបទនេះបាន»។
  
  ប៉មយាម ថ្ងៃទី១ ខែមិថុនា
  
  «ពេលឃើញព្រឹត្ដិការណ៍ចំឡែកៗជាច្រើនសព្វថ្ងៃនេះ មនុស្សយើងភាគច្រើនចេះតែឆ្ងល់ថា តើនឹងមានអ្វីកើតឡើងនាពេលអនាគត? សេចក្ដីអធិស្ឋានដ៏ល្បីល្បាញរបស់ព្រះយេស៊ូគ្រីស្ទ បានសឲ្យឃើញនូវមូលហេតុដែលយើងអាចជឿជាក់ថា នឹងមានអនាគតដ៏ល្អមែន។ [សូមអាន ម៉ាថាយ ៦:៩, ១០] មនុស្សជាតិចេះតែធ្វើខុសម្ដងហើយម្ដងទៀត តាមអ្វីដែលគេធ្លាប់ធ្វើតាំងពីមុនមកម្ល៉េះ។ តែនៅជំនាន់មុននេះ អស់អ្នកដែលបំរើព្រះបានមានអនាគតដ៏ល្អវិញ។ ទស្សនាវដ្ដីនេះបង្ហាញនូវរបៀបដែលយើងក៏អាចមានអនាគតដ៏ល្អដែរ»។

សេចក្ដីរាយការណ៍ពីកិច្ចបំរើផ្សាយក្នុងខែមករា

២០០២ កិច្ចបម្រើព្រះ | ឧសភា
- សេចក្ដីរាយការណ៍ពីកិច្ចបំរើផ្សាយក្នុងខែមករា
  
  ម៉ោង ទស្សនាវដ្ដី ការត្រឡប់ទៅជួប សិស្សព្រះគម្ពីរ
  
  ចំនួន: ជាមធ្យម ជាមធ្យម ជាមធ្យម ជាមធ្យម
  
  អ្នកត្រួសត្រាយពិសេស ១៤ ១៣២,២ ៤១,១ ៦៦,៦ ៩,៩
  
  អ្នកត្រួសត្រាយពេញពេល ២៦ ៦៥,៥ ១៧,៤ ២៩,៩ ៤,៥
  
  អ្នកត្រួសត្រាយជំនួយ ៧ ៦២,៣ ១៧,៤ ២៦,៧ ៦,១
  
  អ្នកផ្សព្វផ្សាយ ៦៣ ១៩,៣ ៣,២ ៥,៤ ១,១
  
  សរុប ១១០នាក់