ប្រតិទិនសម្រាប់ឆ្នាំ២០១១គូសបញ្ជាក់អំពីការគោរពប្រណិប័តន៍ជាគ្រួសារ
ប្រធានបទរបស់ប្រតិទិននៃសាក្សីព្រះយេហូវ៉ា ឆ្នាំ២០១១ (2011 Calendar of Jehovah’s Witnesses) គឺការគោរពប្រណិប័តន៍ជាគ្រួសារ។ ប្រតិទិននេះបង្ហាញអំពីក្រុមគ្រួសារនៅសម័យនេះនិងនៅសម័យគម្ពីរ ព្រមទាំងបង្ហាញអំពីគូស្វាមីភរិយា និងអ្នកបម្រើព្រះយេហូវ៉ាដែលនៅលីវកំពុងសិក្សាបណ្ដាំព្រះផងដែរ។
បុគ្គលដែលគម្ពីរបានរៀបរាប់ដែលយើងឃើញនៅក្នុងប្រតិទិន ត្រេកអរនឹងច្បាប់របស់ព្រះយេហូវ៉ា ហើយនេះពិតជាសំខាន់ណាស់ដើម្បីជួយពួកគេឲ្យចេះដោះស្រាយបញ្ហាទាំងប៉ុន្មានដែលពួកគេប្រឈមមុខ។ (ទំនុក. ១:២, ៣) ពេលដែលយើងពិនិត្យមើលរូបភាពនីមួយៗ រូបភាពនោះនឹងរំលឹកយើងអំពីសារៈសំខាន់នៃការគោរពប្រណិប័តន៍ជាគ្រួសារ ទោះជាគ្រួសារតូចឬធំក្ដី ជាគ្រួសារដែលទាំងអស់គ្នាជាអ្នកជឿឬជាគ្រួសារដែលមានអ្នកខ្លះមិនមែនជាអ្នកជឿក្ដី។ ចន្លោះដែលមាននៅក្នុងប្រតិទិន គឺសម្រាប់ឲ្យអ្នកកត់សរសេរថ្ងៃដែលគ្រួសាររបស់អ្នកទុកសម្រាប់គោរពប្រណិប័តន៍ជាគ្រួសារ។ តើអ្នកបានបំពេញចន្លោះនោះហើយឬនៅ?