ចំណុចហាត់រៀនទី៣
របៀបប្រើសំណួរ
ម៉ាថាយ ១៦:១៣-១៦
សេចក្ដីសង្ខេប: សូមសួរសំណួរផ្សេងៗដើម្បីធ្វើឲ្យអ្នកស្ដាប់ចាប់អារម្មណ៍ពីដើមដល់ចប់ ព្រមទាំងដើម្បីវែកញែកជាមួយពួកគេ ហើយបញ្ជាក់ចំណុចសំខាន់ៗ។ សូមសួរតាមរបៀបដែលមិនធ្វើឲ្យអ្នកស្ដាប់ទើសចិត្ត។
របៀបអនុវត្ត:
ធ្វើឲ្យអ្នកស្ដាប់ចាប់អារម្មណ៍ពីដើមដល់ចប់។ សូមសួរសំណួរដែលធ្វើឲ្យអ្នកស្ដាប់ពិចារណា ឬធ្វើឲ្យពួកគាត់ចង់ដឹងចម្លើយ។
វែកញែកអំពីប្រធានបទមួយ។ សូមលើកសំណួរមួយចំនួន ដើម្បីជួយអ្នកស្ដាប់ឲ្យយល់អំពីមូលហេតុដែលការពន្យល់របស់អ្នកគឺសមហេតុផល។
បញ្ជាក់ចំណុចសំខាន់ៗ។ សូមសួរសំណួរដែលគួរឲ្យចាប់អារម្មណ៍ដើម្បីចាប់ផ្ដើមប្រាប់អំពីគំនិតសំខាន់។ សូមសួរសំណួរសម្រាប់រៀនសាឡើងវិញ បន្ទាប់ពីអ្នកពិគ្រោះចំណុចសំខាន់ឬក៏ពេលបញ្ចប់សុន្ទរកថាឬការផ្សព្វផ្សាយរបស់អ្នក។