ចម្រៀងលេខ១០៦
បណ្ដុះសេចក្ដីស្រឡាញ់
១. យើងលំឱនកាយអធិដ្ឋានដល់ព្រះ
សូមជួយឲ្យមានគុណសម្បត្តិដូចលោក
ពិសេសគឺក្ដីស្រឡាញ់ល្អថ្លៃថ្លា
បង្កើតដោយឫទ្ធានុភាពបិតា
ទោះយើងមានប្រាជ្ញានិងចេះទាំងអស់
បើគ្មានក្ដីស្រឡាញ់យើងគ្មានអ្វីសោះ
សូមយើងមានក្ដីស្រឡាញ់ដែលស្មោះពិត
ដែលយើងបង្ហាញឲ្យឃើញក្នុងជីវិត។
២. យើងបង្ហាញក្ដីស្រឡាញ់ដោយសទ្ធា
ឥតកេងប្រវ័ញ្ចតែស្រឡាញ់គ្រប់គ្នា
ក្ដីស្រឡាញ់មិនចេះប្រកែប្រកាន់
តែអភ័យទោសឲ្យបងប្អូនគ្រប់ប្រាណ
ក្ដីស្រឡាញ់អត់ធន់កំហុសទាំងអស់
បន្ទុកយ៉ាងធ្ងន់យើងទ្រាំបានយ៉ាងស្មោះ
យើងអាចទ្រាំទុក្ខលំបាកជាដរាប
ក្ដីស្រឡាញ់អត់ធន់មិនចេះសូន្យសាប៕
(សូមពិនិត្យបន្ថែម យ៉ូន. ២១:១៧; ១កូ. ១៣:១៣; កាឡ. ៦:២)