មនុស្សនៅគ្រប់ទីកន្លែងកំពុងរងទុក្ខដោយសារការស្អប់
ការស្អប់ដែលប្រៀបដូចជារោគរាតត្បាតកំពុងធ្វើឲ្យមនុស្សរងទុក្ខនៅគ្រប់ទីកន្លែង។
សារព័ត៌មាននិងបណ្ដាញគេហទំព័រសម្រាប់ទាក់ទងគ្នាមានព័ត៌មានកាន់តែច្រើនអំពីពាក្យសម្ដី ការផ្ញើសំបុត្រ ការបង្ហោះមតិតាមប្រព័ន្ធអ៊ីនធឺណិត និងការប្រព្រឹត្តដែលបង្ហាញអំពីការស្អប់គ្នា។ ម្យ៉ាងទៀត សូមពិចារណាអំពីការប្រព្រឹត្តដែលរាប់មិនអស់ស្ដីអំពីការរើសអើង ការវិនិច្ឆ័យ ការមើលងាយ ការចំអក ការគំរាមកំហែង និងការបំផ្លិចបំផ្លាញ។ ការស្អប់មាននៅគ្រប់ទីកន្លែង!
ទស្សនាវដ្ដីនេះនឹងបង្ហាញពីរបៀបបំបាត់ចោលការស្អប់គ្នា។ នេះមិនមែនជាការស្រមើស្រមៃទេ តែជាការផ្លាស់ប្ដូរដ៏ពិតប្រាកដនិងស្ថិតស្ថេរជារៀងរហូតដែលកំពុងកើតឡើងនៅទូទាំងពិភពលោក។