Ku Bandekesa o Uhete Uetu mu Ukunji—Mu ku Longa o Bibidia ni Divulu Bibidia i Longa

Mukonda Diahi Kima Kiambote ku Bhanga Kiki: Athu avulu ka tendela kioso ki tu zuela kuila, tua mesena ku a longa o Bibidia. Nange a banza kuila, a-nda diongeka ni kibuka phala ku di longa mba a-nda di longa bhu kaxi ka mukanda. Mu veji dia ku zuela ngó kuila ua mesena ku mu longa, mukonda diahi ku mu londekesa kiebhi kia longa o Bibidia? Né muene bhu dibhitu, mu ithangana iofele u tena kulondekesa ku muthu kuila, ki ku bhonzo ni kiebhi kia longa o Bibidia.

Kiebhi ki tu Tena ku Bhanga Kiki:

Kioso ki u kunda o mukua dibhata, mu ebhuidise se uene mu thandanganha ni hádia.
Mu tangele kuila, athu avulu ene uê mu thandanganha, mu londekese o milongi ia dianga ia divulu Bibidia i Longa. Mu jimbuluile kuila, ki ki bhonzo ku tendela o divulu didi, kala disá di londekesa i longa o Bibidia, ia lungu ni hádia ni milongi ia mukuá dingi. Mu ibhuidise se kibatulu kiebhi kia uabhela dingi.
Mu bhane o divulu, mu londekese o kibatulu kia solo. Jimbulula kuila, o itambuijilu ia ibhuidisu i moneka ku dimatekenu dia kibatulu, tu i sanga mu makaxi.
Bhinga ku mukua dibhata ku tanga o kaxi ka dianga, se ua mesena. Bhanga o kibhuidisu, mu kuatekese ku sanga o kitambuijilu. Sola kibatulu kia Bibidia, kiala mu kaxi, ki ua-nda tanga phala ku kuatekesa o kitambuijilu. Mu londekese kiebhi ki ua xindi divulu diê, phala ku sanga o itambuijilu.
Tanga o kibatulu kia mukuá, bhinga o mukua dibhata, phala ku di suínisa ku tambuijila mu izuelu iê.
Mu ximane, bakana ku vutuka mu kizuua kiéngi, phala ku zubha o kibatulu.
Se ki bhana, londekesa o vidiu, mu kijimbuete kia jw.org ni diambu Kiebhi kia Longa o Bibidia?

Fikisa o Ndunge Íii mu Mbeji Íii:

Samba kua Jihova, phala ku besoala o ngunzu iê, ia ku mateka ku longa o Bibidia.—Fil. 2:13.
TMu ukunji uê, londekesa kiebhi kia longa o Bibidia ni divulu Bibidia i Longa mba londekesa o vidiu Kiebhi kia Longa o Bibidia?