Kiebhi ki tu Tena ku Boka ni ka Dikalu ka Madivulu

Ku boka ni ka dikalu ka madivulu ni meza a madivulu, ndunge iambote ia ku sanga athu a mesena kuijiia o kidi. (Nzuá 6:44) Kienhiki, o tufunga a a tendelesa ku sokeka o ima, phala ku bhana umbangi mu ididi mu bhita athu avulu ni ilunga iéngi. O ka dikalu ka madivulu, ki ka kala ngó kididi kimoxi, mukonda dia kiki, ki ku bhingi ku bhinga ku jinguvulu. A nanhi a tokala ku kalakala na-ku? Aboki ala ni kilunji, a zuata kiambote ni aboki ala ni uhete ua ku zuela. Phala ku kuatekesa o aboki, ku di tunda kiambote, ku luiji saí jindunge ji tua tokala o ku kaiela ni ima ki tu tokala ku i bhanga.

Ima i Tua Tokala o ku Bhanga:

Kulondekesa ngalasa, ku sangesa o athu ni ku a suua. Saí aboki a sangesa o athu ni ngalasa ioso, a a menekena ni henda. Se saí muthu ua mu tala ku ka dikalu ka madivulu, ua tokala ku zuela: “Katulé o kadivulu ka ku uabhela.”
Ki ku bhingi ku zukama luavulu ku ka dikalu. Saí ididi, aboki ala ni uhete a di tunda kiambote, kioso kiemana ku mbandu a ka dikalu. A mukuá a banza kuila, o ndunge íii i fudisa o athu kuimana, mukonda dia kiki, emana dikanga, a kingila o muthu kuimana bhu mbandu a ka dikalu. Se kuimana muthu zuela-né, nange u tena kuibhuidisa: “O kuila ua dibhuidisa kiá kiki?”
Se ki bhana, tanga velusu mu Bibidia.
Jimbulula kuila, o athu a tanga o madivulu metu, a tena ku a sota phala ku di longa o Bibidia ni divulu Bibidia i longa. Mu londekese o video, Mukonda Diahi Tua Tokala ku di Longa o Bibidia? mu mutelembe uê.
Se ki bhana, mu ibhuidise kua tungila ni muxinda uê ua kafuetele. Se ka tungu mu mbambe iê, soneka o kamukanda Queira Visitar (S-43) bhana-u ku seketa sé ku laleka.