Kioso ki tu Bhixila Bhu Dibhitu Dia Muthu

O Jikidistá ji di monekena ‘bhu pholo ia athu oso.’ (1Ko 4:9) Mu kiki, ki tu tokala ku sasumuka, se o mukuá dibhata u tu talela mu njanena, mba u tuivuidila kudima dia dibhitu. Sai jinzo, nange jene mu kala ni jimakina ni ji koloneta, ji kuatekesa o mukuá dibhata ku tu mona, ku tuívua, ni ku ngalavala o ima i tu zuela. O jipondo ja kaiela, jilondekesa o maukexilu ambote u tu tena kulondekesa, kioso ki tu bhixila bhu dibhitu dia muthu.—2Ko 6:3.

• O UKEXILU UÉ (Fi 1:27):

• Xila o mukuá dibhata; kana kuzongola. Kana kudia, kunua, kuzuela mu mutelembe, mba kusoneka jinjimbu bhu dibhitu dia mukuá dibhata

• O IMA I U ZUELA (Ef 4:29):

• Kioso ki u bhixila bhu dibhitu dia muthu, kana kuzuela kima ku ki mesena kuila, o mukuá dibhata u kivua. Sai aboki, kioso kia bhixila bhu dibhitu dia muthu, a batula o maka a mu dikunda ni mukua, phala kusokejeka kiambote o ibanzelu iâ, ia lungu ni ima ia-nda zuela

Ebhi o maukexilu amukuá u u tena kulondekesa, kioso ki u bhixila bhu dibhitu dia muthu?