Serhatî 2

Baxçê Bedew

BINIHÊRE ser erdê di vî şikilîda! Çiqas xase hemû tişt! Dîna xwe bide kulîrka, şînkayiyê, dara, û ser hemû heywana. Dikarî nîşan kî şêr û fîl?

Gelo ev baxçê bedew ça çêbû? Were em dîna xwe bidinê, ça Xwedê erd seva me hazir kir.

Pêşiyê Xwedê temamiya erdê bi şînkayiyê tije kir. Paşê Xwedê cûre-cûre pincar û kulîrk çêkir, usa jî dar û darçik çêkir. Bi van hemû tişta erd hê bedew bû. Hin jî, gelek ji van şînkayiya berêd tem û xweş mera didin.

Wede şûnda Xwedê destpêkir mesiya çêke, ku di avêda bijîn û çivîka ku li ser ezmana bifirin. Ewî kûçik çêkir, pişîk, hesp û hemû cûre heywan. Lê kîjan heywana tu hez dikî? Em gerekê ji Xwedê razî bin seva van hemû tişta. Usa nîne?

Xilaziyê, Xwedê cîk li ser erdê başqe kir û navê wî cî baxçê Aden danî. Ev cî bêqusûr bû. Hemû tişt dor-berê wî gele bedew bû. Xwedê dixwest ku temamiya erdê mîna vî baxî xas bûya.

Hela dîsa binihêre ser şikil û dîna xwe bide çi li ser vî şikilî kême. Ka em binihêrin û pêbihesin.

Destpêbûn 1:11-25; 2:8, 9.