PARA 1

Ji efirandinê, heta Sêlavê

Gelo kî erd û ezman çêkir? Tev, hîv, steyrk û usa jî hemû tişt li ser erdê, çawa hatine efirandinê? Kitêba Pîroz li ser van pirsa cava rast dide, ew divêje ku hemû tişt çêkirina Xwedê ye. Ev kitêb ku niha di destê teda ne, hema bi vê yekê destpêdibe, bi serhatiya derheqa efirandinê.

Emê pêbihesin, ku pêşiyê Xwedê kesêd mîna xwe çêkir, dêmek milyaketa. Paşê seva meriya erd hate çêkirinê. Lema jî Xwedê meriyêd pêşin Adem û Hêwa çêkir û di baxçê bedewda wana cî kir. Lê wana gura Xwedê nekir û jîyîna xweye baş unda kirin.

Destpêbûyî ji çêkirina Adem, heta Sêlava Dinyayê, 1656 sal derbaz bû. Wan zemana gelek kesêd xirav dijîtin. Li ezmana kesêd xirav yê ku nayne dîtinê, Şeytanê mîrê cina û milyaketêd wî bûn. Li ser erdê jî gelek merivêd xirav hebûn, yek ji wan Qayîn bû. Wî çaxî usa jî hebûn meriyêd terikî û gelekî qewat, yê ku zulm bûn. Lê wan weda meriyêd qenc jî dijîtin. Navêd wan Habîl, Henox û Nuh bû. Serhatiyêd di Para YEKÊDA, emê pêbihesin derheqa jîyîna merivêd wan zemana.