Mirina Îsa Mesîh bona Te Çi tê Hesabê?

Îsa mir, wekî em bikaribin bijîn. Yûhenna 3:16

Sê roj şûnda, paşî mirina Îsa, çend kulfet çûbûne ber tirba wî û dîtibûn ku şkeftêda kes tune. Yehowa Îsa ji miriya rakir.

Îsa paşê şagirtara xuya bû.

Yehowa jîyîna teze da Îsa. Ew bû efrînê ruhaniyî gelek qewî, yê ku tu car wê nemire. Şagirtên wî pê çevê xwe dîtin, ça Îsa hilkişiya li ezmên.

Yehowa Îsa sax kir û kire Padşa Padşatiya xweda. Daniyêl 7:13, 14

Îsa emirê xwe berva da, wekî me ji gune aza ke û xilaz ke (Metta 20:28). Bi saya vê qurbanê, Xwedê mecal da me, wekî em heta-hetayê bijîn.

Yehowa Îsa ça padşa ser temamiya dinyayê kifş kir. Tevî Îsa 144 000 merivên amin wê padşatiyê bikin, yê ku seva emirê li ezmana hatine saxkirinê. Dêmek, Padşatiya Yehowada Îsa û 144 000 meriv wê serwêrtiyê bikin (Eyantî 14:1-3).

Padşatiya Xwedê temamiya erdê wê bike cinet. Wê ne şer, ne neheqî, ne birçîbûn û ne jî kesîbbûn hebe. Meriv wê bi rastî jî bextewar bin (Zebûr 145:16).