Bikevine Heyra Meriva

Mesela Îsa

VÎDÊO: Îsa û Kulfeta Ber Bîrê

1. Binihêrin VÎDÊO, yan jî bixûnin Yûhenna 4:6-9. Paşê van pirsa şêwir kin:

1. Îsa dîna xwe da çi, pêşiya ku tevî kulfetê xeberdanê destpêke?

2. Îsa got: “Avekê bide min, ez vexwim”. Çira ev mêtodeke baş bû, ku xeberdanê destpêkin?

Em ji Îsa Çi Hîn Dibin?

2. Xeberdana me wê baş derbaz be, hergê em tevî meriv derheqa wan tişta xeber din, çi ku wîra hewas e.

Çev Bidine Îsa

3. Li gora derecê hereket bikin. Ese nîne xeberdanê bi vê têmayê destpêkin, kîjan ku we hazir kiriye. Bi têmeke usa destpêkin, derheqa çi jî meriv îro difikirin. Pirsê bidine xwe:

1. “Îro dinêda çi diqewime?”

2. “Cînar, hevalxebatçî yan jî hevaldersxanên min, derheqa vê yekê çi dibêjin?”

4. Dîna we ser her tiştî be. Pirsê bidine xwe:

1. “Meriv niha çi dike? Dibeke ew derheqa çi difikire?”

2. “Mala meriv, reng-rûyê wî û kincxwekirina wî, derheqa bawerî û kûltûra wî çi dibêjin?”

3. “Gelo niha wedekî baş e, wekî xeberdanê tevî meriv destpêkim?”

5. Guh bidin.

1. Zef xeber nedin.

2. Meriv hêlan kin ku fikirên xwe bêje. Hergê dest dide, pirsa bidine wî.