ಮಾದರಿ ಸಂಭಾಷಣೆಗಳನ್ನು ಬಳಸೋದು ಹೇಗೆ?

ಜನವರಿ 2018 ರಿಂದ ಮಾದರಿ ಸಂಭಾಷಣೆಗಳು ನಮ್ಮ ಕ್ರೈಸ್ತ ಜೀವನ ಮತ್ತು ಸೇವೆ—ಕೂಟದ ಕೈಪಿಡಿಯ ಮುಖಪುಟದಲ್ಲಿ ಬರುತ್ತಿವೆ. ಅವುಗಳನ್ನು ನಾವು ಹೇಗೆ ಬಳಸಬಹುದು?

ವಿದ್ಯಾರ್ಥಿ ನೇಮಕ ಇದ್ದಾಗ: ಮಾದರಿ ಸಂಭಾಷಣೆಯಲ್ಲಿ ಕೊಟ್ಟಿರೋ ಪ್ರಶ್ನೆ, ವಚನ, ಮುಂದಿನ ಭೇಟಿಯ ಪ್ರಶ್ನೆ ಇವುಗಳನ್ನು ಉಪಯೋಗಿಸಿ. ಇದರ ಅರ್ಥ ಮಾದರಿ ಸಂಭಾಷಣೆಗಳ ವಿಡಿಯೋಗಳಲ್ಲಿ ಇರೋ ಪದಗಳನ್ನೇ ನೀವು ಹೇಳಬೇಕು ಅಂತ ಅಲ್ಲ. ಬೇರೆ ಬೇರೆ ಸನ್ನಿವೇಶ, ಪೀಠಿಕೆ, ವಚನಗಳನ್ನು ವಿವರಿಸೋ ವಿಧಾನನಾ ನೀವು ಉಪಯೋಗಿಸಬಹುದು. ಬೋಧನಾ ಸಾಧನಗಳು ಅನ್ನೋ ವಿಭಾಗದಲ್ಲಿ ಇರೋ ಪ್ರಕಾಶನವನ್ನು ನೀಡಿ ಅಂತ ನೇಮಕದಲ್ಲಿ ಕೊಡದೇ ಇದ್ದರೂ ಅದನ್ನು ನೀವು ನೀಡಬಹುದು.

ಸೇವೆಗೆ ಹೋದಾಗ: ಸೇವೆಯಲ್ಲಿ ನಮ್ಮೆಲ್ಲರಿಗೆ ಸಹಾಯ ಆಗಲಿ ಅಂತನೇ ಈ ಮಾದರಿ ಸಂಭಾಷಣೆಗಳನ್ನು ತಯಾರಿಸಲಾಗಿದೆ. ಒಬ್ಬ ವ್ಯಕ್ತಿ ಆಸಕ್ತಿ ತೋರಿಸಿ ಹೆಚ್ಚನ್ನು ತಿಳಿಯಲು ಇಷ್ಟಪಟ್ಟರೆ ಪುನರ್ಭೇಟಿಯ ಮಾದರಿ ಸಂಭಾಷಣೆಯಲ್ಲಿ ಇರೋ ವಿಷಯವನ್ನು ಉಪಯೋಗಿಸಿ ಸಂಭಾಷಣೆ ಮುಂದುವರಿಸಿ. ನೀವು ಬೇಕಾದ್ರೆ ಮಾದರಿ ಸಂಭಾಷಣೆಯಲ್ಲಿ ಇರೋ ವಿಷಯದಲ್ಲಿ ಕೆಲವು ಬದಲಾವಣೆಗಳನ್ನ ಮಾಡಬಹುದು ಅಥವಾ ಬೇರೆ ವಿಷಯದ ಬಗ್ಗೆನೂ ಮಾತಾಡಬಹುದು. ಉದಾಹರಣೆಗೆ, ನಿಮ್ಮ ಟೆರಿಟೊರಿಯ ಜನರಿಗೆ ಕಳೆದ ತಿಂಗಳುಗಳಲ್ಲಿ ಬಂದ ಮಾದರಿ ಸಂಭಾಷಣೆ ಬಗ್ಗೆ ಮಾತಾಡಿದ್ರೆ ಇಷ್ಟ ಆಗುತ್ತಾ? ಅಥವಾ ಯಾವುದಾದರು ಒಂದು ಬೈಬಲ್‌ ವಚನದ ಬಗ್ಗೆ ಮಾತಾಡಿದ್ರೆ ಇಷ್ಟ ಆಗುತ್ತಾ? ಇಲ್ಲಾ ಅಂದ್ರೆ ಇತ್ತೀಚಿಗೆ ನಡೆದ ಘಟನೆಗಳು ಅಥವಾ ನ್ಯೂಸ್‌ ಬಗ್ಗೆ ಮಾತಾಡಿದ್ರೆ ಚೆನ್ನಾಗಿರುತ್ತಾ? ಮಾದರಿ ಸಂಭಾಷಣೆಯನ್ನು ನಾವು ಹೇಗೇ ಉಪಯೋಗಿಸಲಿ, “ಇತರರೊಂದಿಗೆ ಸುವಾರ್ತೆಯಲ್ಲಿ ಪಾಲುಗಾರನಾಗಲಿಕ್ಕಾಗಿ ಎಲ್ಲವನ್ನೂ ಸುವಾರ್ತೆಗೋಸ್ಕರ” ಮಾಡುವುದೇ ನಮ್ಮೆಲ್ಲರ ಗುರಿಯಾಗಿರಬೇಕು.—1ಕೊರಿಂ 9:22, 23.