MUKIVULUKA NYI?
Nanchi mwatanga magazini a katataka a Kyamba kya Usopa nyi? Monai inge mwakonsha kukumbula ano mepuzho:
Ñanyi kimye Yesu kyo ‘asapwijile bapashi baji mu kaleya’? (1 Pe. 3:19)
Kyamweka Yesu byo asangwilwe wabujile bapashi batama kuba’mba bakebakabisha.—6/15, jipa 23.
Ñanyi bintu bisatu bilengela kwikala bulongo mu masongola a bubiji?
Ke bino byalondelapo: kubula kumwesha kuba’mba masongola enu atanshi awamine kukila a katataka; kubula kupwanañana na balunda bakala babula kupilwa bena kwenu bakatataka; mwafwainwa kuketekela mwina kwenu wakatataka nangwa kya kuba mwina kwenu mutanshi kechi wajinga wa kishinka ne.—7/1, mapa 9-10.
Ñanyi kimye Yesu kyo akachibila bantu mambo nobe mikooko nangwa bambuzhi? (Mat. 25:32)
Ke kimye kyo akeya na kuchibila bantu mambo mu kimye kya malwa akatampe panyuma ya kuzhiya bupopweshi bwa bubela.—7/15, jipa 6.
Ñanyi kimye bangubabibi batongolwa mu kishimpi kya kwa Yesu kya bincha ne wichi kyo bakashenka ku meno? (Mat. 13:36, 41, 42)
Bakoba bino mu kimye kya malwa akatampe byo bakayuka kuba’mba kechi bakapuluka ne.—7/15, jipa 13.
Ñanyi kimye kyafikile byambo byaambile Yesu pa kalume wakishinka kabiji wa maana? (Mat. 24:45-47)
Bino byambo byatendekele kufika panyuma ya mwaka wa 1914, kechi pa Pentekosta mu 33 C.E. ne. Mu 1919, kalume popo atongwelwe kwikala mukulumpe wa pa bantu ba ku nzubo, bano ke bonse bena Kilishitu bo bajisha kajo ka ku mupashi.—7/15, mapa 21-23.
Ñanyi kimye Yesu kyo akatongola kalume wa kishinka kwikala kalama wa bintu byanji byonse?
Kino kikobiwa kulutwe, mu kimye kya malwa akatampe kalume wakishinka po akatambula mfweto yanji mwiulu.—7/15, jipa 25.
Nanchi Baibolo wabula kutongola mazhina a bantu bamo mambo bajinga bantu batama nangwa babula kunema nyi?
Ine. Baibolo washapo kutongola mazhina a bantu bamo bawama ne batama. (Luta 4:1-3; Mat. 26:18) Kabiji Baibolo watongolatu mazhina a bamalaika bakishinka bibiji.—8/1, jipa 10.
Kununga pa bulume bufuma kwi Lesa, ki ka kyakwashishe Bakamonyi 230 kwenda museke walepa kufuma ku kampu wa lumanamo wa Sachsenhausen?
Nangwa kya kuba batembukile bingi na nzala ne bikola, byo bayilenga, batwajijile kwitundaika bene na bene.—8/15, jipa 18.
Mambo ka jishimikila ja bena Isalela jaamba pa byo baabukile Mukola wa Yodano kutwela mu Ntanda ya Mulaye o jitutundaikila?
Nangwa kya kuba Mukola wayujile, Yehoba walengejile mema kwijingila kunundu pa kuba’mba bantu banji babuke. Kino kyafwainwa kyakoseshe bingi lwitabilo lwabo, ne atweba jino jishimikila jakonsha kukosesha bingi lwitabilo lwetu.—9/15, jipa 16.
Jishinda Baibolo jo yaingijishishamo misombelo jimwesha ka?
Jishinda Baibolo jo yaingijishishamo misombelo jimwesha Lesa byo ayuka misombelo ne bantu byo boba inge beimona. Kabiji jimwesha ne kuba’mba misombelo ikwasha kuvulukamo bintu.—10/1, mapa 14-15.
Bungauzhi bwa bakafunga batanu na babiji ne babineme batanu na basatu buji mu Mika 5:5 bubena kufika byepi mu ano moba?
Twayuka kuba’mba bakafunga batanu na babiji ne babineme batanu na basatu batongolwa pa Mika 5:5 bemenako bakulumpe mu bipwilo babena kukosesha bantu ba Lesa ku kulukuka kubena kwiya kulutwe.—11/15, jipa 20.
Ñanyi bishinka bitulengela kukeba Lesa?
Tukeba lutangijilo lwanji lwawama, ne Lesa kwitukwasha kuyuka kine kintu kileta makatazho. Lesa wanengezha ne bya kwitukwasha kwikala bulongo na lusekelo, kabiji ukafikizha milaye yanji yonse iji mu Mambo anji pa kuba’mba tukekale bulongo.—12/1, mapa 4-6.