Nanchi Baibolo Waambapo’mba Ka?
Ñanyi kintu kimweka inge twafwa?
BANTU BAMO BAMBA’MBA inge twafwa tuyapo kuntu kumo, bakwabo nabo bamba’mba lufu yo mpelo ya bintu byonse. Ñanyi bintu byo mwaitabilamo?
BAIBOLO WAAMBA’MBA
“Bantu bafwa kafwako kintu nangwa kimo kyo bayuka ne.” (Musapwishi 9:5) Inge twafwa, tuleka kwikalako.
BINTU BIKWABO BYO TUFUNJILAKO MU BAIBOLO
Muntu mutanshi aye Adama byo afwile wabwelele ku mushiji. (Ntendekelo 2:7; 3:19) Onkao mambo, bantu bonse babena kufwa babwela ku maloba.—Musapwishi 3:19, 20.
Bantu bafwa bebakasulula nangwa’mba bebalekelako mambo abo. (Loma 6:7) Kechi bakebakabisha na mambo o balengele saka bakyangye kufwa ne.
Nanchi bantu bafwa bakonsha kwikala jibiji na bumi nyi?
MWAKONSHA KUKUMBULA’MBA KA?
Ee nyi
Ine nyi
Kampe nyi
BAIBOLO WAAMBA’MBA
“Kukekala lusanguko.”—Byubilo 24:15.
ÑANYI BINTU BIKWABO BYO TUFUNJILAKO MU BAIBOLO?
Baibolo javula waesakanya lufu ku kulaala tulo. (Yoano 11:11-14) Lesa ukabuusha bantu bafwa byonkatu byo twakonsha kubuusha muntu walaala.—Yoba 14:13-15.
Baibolo waamba pa bantu bavula bo basangwile, akino kibena kwitukwasha kuyuka’mba kine bantu bafwa bakasanguka.—1 Bamfumu 17:17-24; Luka 7:11-17; Yoano 11:39-44.