Mutanchi Wakupwila Kwamwingilo
Mulungu Wakutendeka May 12
Mamini. 10: Byakubijika byapakipwilo. Byakubijika byasalululwa mu Mwingilo Wetu wa Bufumu. Kwingijisha mashinda atanshi abiji aji pa peja 8, mweshai bimwesho bibiji mwakutambikila magazini ya Kyamba kya Usopa, kya June 1. Mutongole ne lunengezho lwa bupe.
Mamini. 20: Anweba Bansemi, Kwashai Baana Benu Kuyilako Palutwe. Jashi jibena kwamba pa binshinka biji mu buku wa Isukulu Ilya Butumikishi mapeja 9-12 ne 21-38. Koseshai bansemi kwingijisha byambo bimo bya pa ano mapeja mu lufunjisho lwabo lwa kisemi kuba’mba bafunjishe baana babo bayilengako palutwe mu mwingilo. Tongaulai binshinka bine byakonsha kwingijishiwa kukwasha banyike kwikala basendwe.
Mamini. 15: “Twapewa Mambo Awama.”a Bujilai jimo musapwishi umo nangwa babiji bakalondololekotu pacheche byo bapimpwile bwikalo bwabo kuba’mba bekalengako na kimye kyabaya kya kwingila mwingilo wa kusapwila.
Lwimbo 46 nelulombelo lwakupezhako.
Mulungu Wakutendeka May 19
Lwimbo 62
Mamini. 15: Byakubijika byapakipwilo. Sawakya wa maakaunti. Isambai pa “Buntungi bwa Mazubo a Bufumu mu Byalo Bimo bya mu Europe.” Ambai’mba buntungi bwa Mazubo a Bufumu mu byalo byabula mali avula ne muno mwetu bukwashiwa na bupe bwa mali apanyiwa ku kipao kya Mali a Mazubo a Bufumu.
Mamini 15: Lukatazho lomuji nalo pakipwilo.
Mamini. 15: “Totainga Yehoba mu Kusapwila Busapwishi bwa Kushukilwa.” Jashi ne kwisamba na luonde. Pa kwisamba palagalafu 3, ipuzhai luonde bambepo byotwakonsha kwamba kuba’mba tutatule mwisambo wa mu Baibolo mu bino bimye: (1) kimye kyo mubena kupota bya kupotapota, (2) kimye kyo muji mu motoka pa lwendo, (3) ku mukwenu wa kinkalankulo ubena kuwamisha pa nzubo yanji, (4) ku mukwenu momwingijila, (5) ku mukwenu mo mufunjila. Nengezhezhai jimo musapwishi akambe byoasapwijile busapwishi bwa kushukilwa.
Lwimbo 135 nelulombelo lwakupezhako.
Mulungu Wakutendeka May 26
Lwimbo 174
Mamini. 10: Byakubijika byapakipwilo. Vululaiko bonse kuleta masawakya a mwingilo wa May. Kwingijisha mashinda apelako abiji aji pa peja 8, mweshai bimwesho bibiji mwakutambikila magazini ya Kyamba kya Usopa, kya June 1. Kumpelo ya kimwesho kimo, musapwishi ashe talakiti wa Nanchi Mukeba Kuyuka Byavula pa Mambo a Baibolo Nyi? ku muntu wakana kutambula magazini.
Mamini. 10: “Kwashai Bakwenu Kutana Jishinda Jaya ku Bumi bwa Myaka.”b Ambai buloshuwa byo yaamba pa bintu byavula byo baitabilamo bantu. Panyuma ya kwisamba palagalafu 4, mweshai kimwesho kya mu bujimi kyanengezhiwa bulongo kya kukumbula jipuzho ja kuba’mba: “Nanchi Bupopweshi Bonse Bwaitabilwa kwi Lesa Nyi?” (ol-KD mapeja 19-21) Tundaikai bonse kuya mu mwingilo kumpelo ya uno mulungu.
Mamini. 25: “Mambo a Lesa bo Bukine.”c Ipuzhai onka mepuzho anembwa. Ipuzhai luonde bambepo byo bebakwashishe kufunda bukine kimye basapwishi kyo bebakumbwilenga mepuzho abo kufuma mu Baibolo. Pa kwisamba palagalafu 4, musapwishi wayuka bulongo amweshe byakwingijisha Baibolo pa lwendo lutanshi, kwingijishapo ñambilo imo iji pa mutwe wakuba’mba “Ambainga Bulongo Mambo a Lesa.”—km-KD 12/01 pe. 1 mapala. 3-4.
Lwimbo 188 nelulombelo lwakupezhako.
Mulungu Wakutendeka June 2
Lwimbo 210
Mamini. 10: Byakubijika byapakipwilo. Pitulukai mu jishinda jimo nangwa abiji mu kyamukachi kya Mwingilo Wetu wa Bufumu wa January 2002 byakutambika buloshuwa wa Nanchi Lesa Ukebaka ne buku wa Kuyuka.
Mamini. 20: Lesa Ukeba Masongola a Mushingi. Jashi ne kwisamba na luonde. Mu byalo byavula bamulume ne mukazhi bekalatu pamo kwakubula kwisongola mwayila mizhilo ne. Bamo bamba’mba kino kijitu bulongo. Ambai byaamba Baibolo kuba’mba Lesa ye watendekeshe masongola. (rs-CW mape. 127-8) Kwikalatu pamo kwakubula kwisongola mwayila mizhilo ke bulalelale. (fy-CW pe. 17) Kupusanako na byaketekela bavula, bapesapesa bya kupesapesa pa bya masongola bamba’mba kwikalatu pamo kwakubula kwisongola mwayila mizhilo kumwesha’mba masongola kechi akabanda ne. (g02 3/8 p. 29; g92 9/8 p. 28; g91 5/8 p. 28) Bena Kilishitu banemeka Yehoba kupichila mu kulondela mizhilo yanji. Mukuba kino, ne abo bene bamwenamo mfweto.—Isa. 48:17, 18.
Mamini. 15: Mubena Kufunda Byepi? Mukulumpe utangijila sukulu esambe na luonde. Kutatula mu January, twatendekele mfunjilo yakatataka ya Sukulu ya Mwingilo wa Teokalasi. Pitulukaimo pacheche majashi byoatanchikwa mu sukulu luno. Tongolai buwame bo mwatanamo. Nanchi bavula banembesha mu sukulu nyi? Abya bavula babena kwamba majashi abo o bapewa nyi? Babena kumwenamo byepi mu lunengezho lwakatataka lwa kwibafundako? Ipuzhai luonde lwambe byo bamwenamo luno pa muntu pa muntu kabiji ne byobabena kulanguluka luno lunengezho lwakatataka byo lukebakwasha kulutwe.
Lwimbo 225 nelulombelo lwakupezhako.
[Tubyambo twa mushi]
a Ambaipo byambo bicheche bya kubula kupitaila pa miniti umo, apa bino mutendeke mwisambo wa mepuzho ne mikumbu.
b Ambaipo byambo bicheche bya kubula kupitaila pa miniti umo, apa bino mutendeke mwisambo wa mepuzho ne mikumbu.
c Ambaipo byambo bicheche bya kubula kupitaila pa miniti umo, apa bino mutendeke mwisambo wa mepuzho ne mikumbu.