BUTALA BWA MABUKU BWA PA INTANETI
Kyamba kya Usopa
BUTALA BWA PA INTANETI
Kikaonde
Pa kukebela
  • Bisopelo
  • BAIBOLO
  • MABUKU
  • KUPWILA
  • km 3/05 p. 1
  • Mitwe Yavula Ikambanga pa Baibolo!

Vidyo ufwamo.

Yakana kushinkuka.

  • Mitwe Yavula Ikambanga pa Baibolo!
  • Mwingilo Wetu wa Bufumu—2005
  • Byambo Bipashako
  • Shai Magazini Ashimuna bya Bukine
    Mwingilo Wetu wa Bufumu—2007
  • ‘Jimukai’
    Mwingilo Wetu wa Bufumu—2000
  • Maana ‘Apela Kwiamona’
    Mwingilo Wetu wa Bufumu—2007
Mwingilo Wetu wa Bufumu—2005
km 3/05 p. 1

Mitwe Yavula Ikambanga pa Baibolo!

1. Kyamba kya Usopa kala kyanembejilwe ba ñanyi, kabiji The Golden Age wanembejilwe ba ñanyi?

1 Magazini mutanshi wa The Golden Age (Bwikalo bwa Lusekelo) walupwilwe mu 1919 pa October 1. Uno magazini wa kwashishe bingi mu mwingilo wa busapwishi. Mambo ka? Mambo uno magazini kikatakata wanembejilwe bantu bonse. Kyamba kya Usopa kechi kyanembejilwe bantu bonse ne, pa myaka yavula kyamonwanga’mba kyajinga kya “kajitanga kacheche.” (Luka 12:32) Basapwishi ba Bufumu basangalele bingi pa kumona uno magazini wa bukumo wa The Golden Age kya kuba pa myaka yavula yapichilepo makope ashajikilwe ku bantu avujile bingi kukila a Kyamba kya Usopa.

2. Nga luno The Golden Age utelwa’mba ka, kabiji nkebelo ka yo ajinga nayo kufumatu kuntendekelo?

2 Magazini wa The Golden Age wanembelwe kubula bantu kuba’mba Bukalama bwa Kilishitu bwa Myaka Kiumbi kimo bo bonkatu bukaletela bantu bwikalo bwa lusekelo mambo bukafumyapo makatazho onse o babena kupitamo. Pa myaka yalondejilepo, uno magazini wa The Golden Age wapimpwilweko kuba’mba esakane na byo kyajinga pa kyokya kimye. Mu 1937 jizhina janji ja pimpwilwe ke atelwe’mba Consolation. (Lutekenesho) Mu 1946 watelelwenga’mba Loleni! jizhina jo twayuka lelo jino.

3. Loleni! waingila bingi mu kufikizhiwa kwa ñanyi bungauzhi?

3 Kufumatu kimye kyo alupwilwe, uno magazini wakwasha kya kine kine mu busapwishi bubena kusapwilwa kufuma mu 1919. (Mat. 24:14) Pano bino, na mambo a kino kimye kyetu kyo tujimo, kyanema bingi kuba’mba uno magazini wa Loleni! apimpulweko ne jikwabo.

4. (a) Muntu wafwainwa kuba ka umvwe ukeba ku kafiwa mu ‘juba ja bukaji bwa Yehoba’? (b) Kwesakana na Lumwekesho 14:6, 7, nga ‘malaika upita pa pakachi ka jiulu’ ubena kwita bonse kuba ka?

4 Bantu bavula batemwa bingi kutanga Loleni! mambo wamba pa mitwe yapusana pusana ya bintutu bya mu ntanda mu jishinda jawama bingi. Kabiji kwakubula nangwa kuzhinaukatu ne, bavula beya na kutanwa ku Kivuluko pa mwaka pa mwaka ke boba batanga jonse Loleni! Bino umvwe muntu ukeba kukafiwa mu ‘juba ja bukaji bwa Yehoba’ wafwainwa bukwasho bwa kuba byavula kukila kwikalatu wa kutanga mabuku etu.—Zefwa. 2:3; Lum. 14:6, 7.

5. (a) Kutendeka na Loleni! wa January 2006, ki ka kikambiwangapo javula? (b) Nga bavula bakonsha kutundaikwa kuba ka, kabiji kwesakana na kufikizhiwa kwa ñanyi bungauzhi?

5 Onkao mambo, kutatula mu January 2006, magazini wa Loleni! ukambanga pa Bufumu bwa Lesa. Ukatundaikanga aba batanga kuketekela Baibolo kwibabula kikafumyapo makatazho o babena kupitamo kabiji ne kwambishapo pa Baibolo byo alondolola binkunka bibena kubiwa kino kimye. Mu jino jishinda, aba batanga bakayuka bulongo mwatala binkunka bibena kubiwa pa kino kimye kabiji kampepo bintu byo bakatanganga bikebatundaika kukeba kufunda pe Yehoba.—Zeka. 8:23.

6, 7. (a) Nga Loleni! ukanembwanga byepi kukwasha bavula kwingijisha 1 Tesalonika 2:13? (b) Loleni! ukanembwanga jinga, kabiji milaka inga ikafikilwa na luno lupimpu?

6 Loleni! ukatwajijila na kwamba pa mitwe yapusana pusana yo batemwa bantu. Pano bino ukambishangapo pa Baibolo. (1 Tesa. 2:13) Kyamba kya Usopa byo kilumbulula byambo bya mu Baibolo bikatazha kumvwa kabiji ne Loleni! byo akambangatu pa byambo bya mu Binembelo, kechi kibena kukebwa kutwajijila kunembanga Loleni! jibiji pa ñondo ne. Onkao mambo kutatula mu January 2006, Loleni! ukanembwangatu jimo pa ñondo. Kino kikapezhako mingilo yubiwa pa kunengezha, kutuntulula, ne pa kutuma mabuku.

7 Luno lupimpu lukalengela lupimpu lukwabo lwa kipimo kya 40 pesenti mu milaka munembwa Loleni! Mu milaka yavula Loleni! unembwatu jimo pa ñondo nangwa jimo pa kupitapo bañondo bana. Kechi kukekala lupimpu ku Kyamba kya Usopa ne.

8. Nga basapwishi bakonsha kushajika byepi Loleni! pamo na Kyamba kya Usopa?

8 Basapwishi bakonsha kushajika Loleni! pamo na Kyamba kya Usopa kiji kyonse kya muyewo ñondo. Aba bashajika Loleni! bakengijishatu magazini a yenkao ñondo yense kwakubula kukyingya jishinda ja kwambilamo pa kufika pakachi ka ñondo, kupusanako na byo kibena kubiwa luno.

9. Loleni! ukatwajijila kwingila ñanyi mwingilo?

9 Kutendekatu na magazini mutanshi mu 1919, uno magazini watelelwanga’mba The Golden Age, Consolation, luno utelwa’mba Loleni! waingila bingi lubaji lukatampe mu mwingilo wa busapwishi. Tubena kulomba kuba namba Yehoba atwajijile na kupesha kusampanya kwa uno magazini wapimpulwa kabiji ne kukakwasha bantu bakwabo bavula kufuma mu “mikoka yonse ne mu bisaka byonse ne mu mitundu yonse ne njimi yonse ya bantu” kwalulukila ku Bufumu bwa Lesa amba bobonkatu bo bafwainwa kuketekala.—Lum. 7:9.

    Mabuku a mu Kikaonde (1992-2025)
    Shinkai
    Shinkulai
    • Kikaonde
    • Tuminaiko Bakwenu
    • Byo Mukeba
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Shinkulai
    Tuminaiko Bakwenu