Mutanchi Wa Kupwila Kwa Mwingilo

Mulungu wa Kutendeka December 12

Lwimbo 32

Mamini. 10: Bya kubijika bya pa kipwilo. Bya kubijika byasalululwa mu Mwingilo Wetu wa Bufumu. Ingijishai mashinda abiji atanshi aji pa peja 8 (umvwe akonsheka kwiengijisha mu nyaunda yenu) mumweshe bya kushajika Kyamba kya Usopa kya January 1. Mwakonsha kwingijisha mashinda akwabo awama a kwambilamo. Panyuma ya kimwesho kyonse, ambaipo bya kwingijisha kinembelo kwakubula kukatazhiwa kimye kya kwisamba.

Mamini. 15: “Sukulu Witukwasha Kwamba Bintu Bingila.” Jashi na mukulumpe utangijila sukulu. Vwangaimo byambo biji mu kya mukachi kya Mwingilo Wetu wa Bufumu wa October 2005.

Mamini. 20: “Lufunjisho Lulengela Kumona Bumi bwa Myaka.”a Nengezhezhai jimo muntu umo nangwa babiji kwambapo pa byo bamwenamo mu lufunjisho lwa kufunda pe Lesa kupichila mu jibumba janji.

Lwimbo 101 ne lulombelo lwa kupezhako.

Mulungu wa Kutendeka December 19

Lwimbo 160

Mamini. 5: Bya kubijika bya pa kipwilo. Ambaipo pa lunengezho lwa mwingilo wa mu bujimi wiikajila wa pa December 25 ne pa January 1. Vululaiko bonse kwiya na Awake! wa January 2006 (umvwe baji naye) ku Kupwila kwa Mwingilo kwa mulungu ubena kwiya.

Mamini. 15: “Tainga Bantu Muchima—Kupichila mu Kwalauka alauka.”b Ubaipo ne kimwesho kipi kya kumwesha musapwishi byo akonsha kwalula bya kwamba kwesakana na byambo byaamba mwina nzubo.

Mamini. 25: “Nanchi Mwanenu Wakonsha Kufuukulapo Kintu Kyanema Nyi?”c Jambiwe na mukulumpe mu kipwilo. Bulai mulongo wayuka kutanga bulongo kutanga mapalagalafu. Isambaipo binembelo byonse byanembwa. Panyuma ya kwisamba palagalafu 2, ambaipo pa lupusano luji pakachi ka banyike babiji batongolwa mu mapalagalafu 16-17 kabiji ne pa kabokoshi kaji pa mapeja 16-17 mu Kyamba kya Usopa kya Kibemba kya June 15, 1991. Pa kupwisha, tundaikai bansemi kupituluka mu kibaba kyonse kiji mu kino Kyamba kya Usopa kabiji ne kwisambila pamo na baana babo byamba Baibolo pa mambo a mashi ne kwikalako na bipungu bya kupitulukamo pa kuba’mba benengezhenga kwamba pa lwitabilo lwabo saka basumininwa. Mitwe ya bisemi yafwainwa kumona’mba baana bonse babatizwa babena kusenda kikachi kya Advance Medical Directive/Release kabiji babula kubatizwa nabo babena kusenda ka kikachi ka Identity Card. Umvwe kuji uji mu kipatela kabiji babena kukeba kumubika mashi, bakulumpe bafwainwa kwita baji mu jibumba ja Kometi ya Bambañana na ba Mingilo mu Bipatela bakoko kwenu kwiya na kukwasha.

Lwimbo 56 ne lulombelo lwa kupezhako.

Mulungu wa Kutendeka December 26

Lwimbo 85

Mamini. 10: Bya kubijika bya pa kipwilo. Tangai sawakya wa maakaunti ne makalata a kuyukanyikisha’mba ofweshi wa musampi watambwijile mali a bupe bwenu o mwatumine. Vululaiko basapwishi kuleta masawakya a mwingilo wa mu bujimi wa December. Umvwe kipwilo kyenu kikapimpula kimye kya kupwila kwa mwaka wiya, bijikai kimye kyakatataka. Ambai pa mabuku a kusha mu January, kabiji bulañanai po bafwainwa kutana bya kwamba pa kwisamba.

Mamini. 15: Bibena kukebewa pa kipwilo.

Mamini. 20: Mitwe ya Bukumo ya Awake! Jashi ne kwisamba na luonde. (Bipwilo bibula kutambwila Awake! pa ñondo pa ñondo, byakonsha kwingijisha kibaba kya kuba’mba “Mitwe Yavula Ikambanga pa Baibolo” kiji mu Mwingilo Wetu wa Bufumu wa March 2005. Ubena kwamba jashi wakonsha kutongaulapo mitwe imo yakatataka iji mu Awake! byonka byo yamweshiwa panshi mu tupingilo. Bakulumpe mu kipwilo bafwainwa kutako muchima pa buneme bwa Awake! ku bisemi bya bwina Kilishitu ne bantu baji mu kimasamasa kyabo. Bakonsha ne kuonda makope a Awake! a pa ñondo pa ñondo mu milaka ijiko.) Ambai pa lupimpu luji mu Awake! lwabijikilwe mu Mwingilo Wetu wa Bufumu wa March 2005 pa peja 1, mapalagalafu 5-6. Vwangaimo byambo kufuma pa mutwe wa kuba’mba “To Our Readers” (Kuba Tanga) biji mu Awake! wa January 2006, mapeja 3-4. Ambaipo pa bya kumwenako bimwesha magazini byo ilengela bantu kutanga Baibolo. (Awake! wa January walondolola byambo byafuma mu Binembelo nabiji bya kuba’mba: Ene mambo o kwaikela makatazho avula ku bantu na mambo a kubula lukokelo kwa bansemi betu batanshi; Bimye byakatazha bya ano moba bifikizha bungauzhi; Bufumu bwa Lesa byo bupana luketekelo lwa kupwisha makatazho apitamo bantu; Bakyanyike byo bakonsha kwikala babula kupopomenwa; Baibolo byo amba pa sayansi, bintu bya mu bwikalo ne bya kulutwe, kuba’mba bya kine kabiji bingila.) Ipuzhai luonde kwambapo pa lubaji lwakatataka luji pa peja 31. (Mutwe wa kuba’mba: How Would You Answer? (Musakukumbula’mba Ka?) Wanengezhiwa kuzakula ubena kutanga kwambapo na mambo a mepuzho a kulangulukapo. Kabiji wakonsha kwikala pa kutendekela misambo ya Baibolo na kisemi nangwa na jibumba.) Tukatwajijila kusha onse abiji, Kyamba kya Usopa ne Awake! kimye kitanshi kyo tubena kusapwila. Kabiji tukashajikangatu Awake! imo ku boba bo tushila jonse kabiji ne boba bonse baswa kutambula magazini kimye kyonse. Kwingijisha mashinda abiji apelako aji pa peja 8 (umvwe akonsheka kwiengijisha mu nyaunda yenu) mweshai bya kushajika Kyamba kya Usopa kya January 1 ne Awake! wa January. Mwakonsha kwingijisha mashinda akwabo awama a kwambilamo. Mwingilo Wetu wa Bufumu wa January mukekala ne lubaji lukwabo lwa bubiji lwa kushajikilamo Awake! wa January kwingijisha mutwe umo mu mitwe iji mu ino magazini. Ano onse mashinda abiji akonsha kwingijishiwa ñondo yense.

Lwimbo 222 ne lulombelo lwa kupezhako.

Mulungu wa Kutendeka January 2

Lwimbo 5

Mamini. 10: Bya kubijika bya pa kipwilo. Isambai kabokoshi kaji na mutwe wa kuba’mba “Bibusa Bifuma mu Kukokela Lesa”

Mamini. 15: “Ingijishainga Bulongo Mabuku Etu Alumbulula Baibolo.”d Ambai ne byambo biji mu Mwingilo Wetu wa Bufumu wa September 2002, peja 1.

Mamini. 20: “Yehoba Unonkesha Bantu Banji.” Kimye kya kwisamba na luonde, mapalagalafu akonsha kutangiwa umvwe kimye kokiji. Pa kwisamba palagalafu 8 kwashai luonde pa byo twakonsha kumwesha lusanchilo pa kino kishimikwa kyawama kitundaika bupopweshi bwa kine. Ku bipwilo byapewa kwingijisha Nzubo ya Kupwilamo Kukatampe ya mu Lusaka: Mwane pitulukai mu bupe bwa mali bwa kipwilo bwa kupana pa ñondo pa ñondo bwa kuwamishisha pafwafwafwa. Umvwe paji kupimpulako kwa mali apananga kipwilo kyenu, monai kuba’mba mwisambapo pa kupwisha jino jashi. Kope wasainwa wafwainwa kutumwa ku Ofweshi wa musampi.

Lwimbo 48 ne lulombelo lwa kupezhako.

[Tubyambo twa mushi]