Vidyo wa The Bible—A Book of Fact and Prophecy

Buku wa Mankind’s Oldest Modern Book ye mutanshi pa mavidyo asatu eikela aji pa selechi wa DVD wa kuba’mba The Bible—A Book of Fact and Prophecy. Panyuma ya kutamba uno vidyo, kumbulai ano mepuzho alondelapo:

(1) Mu ñanyi mashinda Baibolo mo iswañena na byaamba sayansi ya mu ano moba? (2) Twakonsha kusumininwa byepi kuba’mba ma Baibolo etu ajiko lelo jino akwatankana na mulaka mwine mutanshi? (3) Kwipasha ka kuji pa nembelo ya ma Baibolo etu ne manyusikilipiti a Baibolo wa kala? (4) Ba John Wycliffe, Johannes Gutenberg, William Tyndale, John Hus, Martin Luther, Casiodoro de Reina, ne Charles Taze Russell baubile byepi pa kuba’mba basampanye Mambo a Lesa mwaya ntanda, kabiji chechi yaimenejile byepi Baibolo kuntundwa? (5) Lujimuno lwawama lwa mu Baibolo lwakwasha byepi bantu kuyuka mwa kubila na makatazho a butuntulu bwa mubiji (Sala. 34:8), kwivwanga mu bisela bya kwijiila makusu pa mutwe (1 Timo. 6:9, 10), kwabana ne kubula bukishinka mu masongola (1 Ko. 13:4, 5; Efi. 5:28-33), ne kupayankana na bunonshi bwa ku mubiji (Mat. 16:26)? (6) Ki ka kimwesha’mba kwingijisha mafunde a mu Binembelo kulengela muntu kushinda lupato lwa byalo, bisho ne mitundu (Luka 10:27)? (7) Mu mashinda ka kulondela mafunde a mu Baibolo mo kwimuletela lusekelo? (8) Mwakonsha kwingijisha byepi uno vidyo kukwashishamo bantu?—Monai Mwingilo Wetu wa Bufumu wa February 2006 peja 8.