Bya Kwamba pa Kusha Magazini

Kyamba kya Usopa January–March

“Bantu bavula lelo jino kechi baitabila mwi Mulenga ne. Mwalanguluka’mba ki ka kyalengela? [Lekai akumbule.] Kino kyepelo kyaamba kyalengela. [Tangai Habakuka 1:2, 3.] Kino kibaba kitukwasha kukumbula mepuzho epuzha bantu bavula pe Lesa ebalengela kubula kwikala na lwitabilo.”

Awake! March

“Bantu bavula banemeka bingi Baibolo bino balanguluka’mba byambo bijimo kechi bingila ano moba ne. Nga anweba mulanguluka’mba ka? [Lekai akumbule. Kepo mutange Loma 15:4.] Uno mutwe walumbulula pa byambo bijimo nangwa byakala kyo byanemena ne mu ano moba.” Mumweshai kibaba kyatendekela pa jipa 28.

Kyamba kya Usopa January–March

“Atweba bonse tupita mu makatazho mu bwikalo. [Tongolaipo amo abena kumwekanyika mu nyaunda yenu.] Nanchi mulanguluka’mba Lesa wakonsha kwitukwasha nyi? [Lekai akumbule.] Mu kino kyepelo Yesu watongolapo jishinda jimo Lesa mo etukwashisha. [Tangai Luka 11:13.] Uno magazini walondolola biji mupashi wazhila ne byo akonsha kwitukwasha.”

Awake! April

“Kibena kumweka nobe kimye kya kubilamo bintu byo tukeba kyakepa. Mwaswa nyi? [Lekai akumbule.] Bantu bavula balondela buno bukwasho. [Tangai Filipai 1:10.] Uno magazini watongolapo mashinda amo akonsha kwitukwasha kwingijisha bulongo kimye.”