Mutanchi wa Mulungu wa October 1
MULUNGU WA KUTENDEKA OCTOBER 1
Lwimbo 103 ne Lulombelo
□ Lufunjisho lwa Baibolo lwa Kipwilo:
gt kita. 57-58 (Mamini. 30)
□ Sukulu wa Mwingilo wa Lesa:
Kutanga Baibolo: Danyela 4-6 (Mamini. 10)
Na. 1: Danyela 4:18-28 (Mamini. 4 nangwa kubwela panshi)
Na. 2: Ene Mambo Bena Kilishitu ba Kine o Bachinuzhukila Kupopwela Mipashi (Mamini. 5)
Na. 3: Lesa Wapananga Byepi Mikambizho ku Bakalume Banji ba Kala?—w03 8/1 ji. 23 jifu. 11-ji. 24 ma. 12, 13 (Mamini. 5)
□ Kupwila kwa Mwingilo:
Mamini. 5: Kutendeka Lufunjisho lwa Baibolo pa Kibelushi Kitanshi. Kwingijisha jishinda jo bamwesha pa jipa 4, mweshai bya kutendeka lufunjisho lwa Baibolo pa Kibelushi kitanshi mu October. Tundaikai bonse kuba bino.
Mamini. 15: Twaingijile Byepi Mwaka Wapwa? Jashi jambiwe na kalama wa mwingilo. Ambai pa bintu byawama byaingijile kipwilo mu mwaka wa mwingilo wapwa, ne kutundaika basapwishi. Ipuzhaipo musapwishi umo nangwa babiji bambe byamwekele byawama. Tongolaipo mbaji imo nangwa ibiji ya mwingilo yakonsha kwingijilapo kipwilo mu mwaka wa mwingilo ubena kwiya ne kwibabulako mashinda o bakonsha kwingijilamo bulongo.
Mamini. 10: Mashinda a Kushilamo Magazini mu October. Mwisambo. Mu miniti umo nangwa kubwela panshi, tongolai ene mambo magazini kyo akonshesha kuzakula bantu muchima mu nyaunda yenu. Apa bino mwingijishe mitwe iji mukachi yaamba pa mutwe mukatampe uji pa nkupiko ya Kyamba kya Usopa, ne kwambila luonde kwambapo mepuzho amo awama o bakepuzhanga ne kutongolapo kinembelo kyo bakonsha kutanga. Ubai byonkabyo ne ku Awake! Umvwe kimye kokiji, mweshai byo mwakonsha kusha magazini onse abiji.
Lwimbo 85 ne Lulombelo