Sapwilai Bukine pe Yesu na Mukoyo

Mukoyo wetu ubailako inge twayuka bya kubuulako bakwetu bukine pe Yesu. Yesu ye jibwe ja pa jikonka ja kitendekesho paimena lwitabilo lwa kine. (Efi. 2:20) Kwa kubula aye, kechi twakonsha kwikala na luketekelo lwa bumi ne. (Byu. 4:12) Onkao mambo, bantu bonse bafwainwa kuyuka mwingilo wa kwa Yesu mu kufikizha kyaswa muchima wa Lesa. Bavula baongolwa na mafunjisho abula a mu binembelo. Kino kyakonsha kwibalengela kubula kutambwila mapesho alaya Lesa ku bantu bamwesha lwitabilo mwi Yesu. Mukoyo wetu wa bukine uketulengela kukwasha bantu ba michima ya kishinka kumuyuka bulongo Yesu, biji bulunda bwanji na Lesa ne byo engila mu kufikizha bikeba Lesa. Mu kino kimye kya Kivuluko, nanchi musa kusapwila na mukoyo bukine pe Yesu nyi?