Nanchi Mulangulukapo Amba ka pa Baibolo?
Abya mwakonsha kukumbula’mba . . .
buku muji maana a bantu nyi?
buku mwayula mashimikila a kala a kusombatu nyi?
inyi Mambo a Lesa?
BAIBOLO WAAMBA’MBA
“Binembelo byonse byanembelwe na lutangijilo lwa mupashi wa Lesa.”—2 Timoti 3:16, Binembelo bya Ntanda Ipya.
KWITABILA BINO BYAMBO KUKEMUKWASHA MU BWIKALO BWENU
Mukayuka mikumbu ya mepuzho anema mu bwikalo.—Byambo bya Maana 2:1-5.
Bikemutangijilanga pa juba pa juba.—Salamo 119:105.
Bikakosesha luketekelo lwenu mu bintu bya kulutwe.—Loma 15:4.
ABYA TWAKONSHA KWITABILA BYAMBO BIJI MU BAIBOLO NYI?
Ee, kuji bintu bisatu byakonsha kwitulengela kwitabila:
Mabuku onse a mu Baibolo aswañana. Banabalume 40 bo banembele Baibolo pa myaka kukila 1,600. Bavula kechi bakimonañenepo nangwa jimo ne. Nangwa byonkabyo, mabuku onse o banembele aswañana kabiji aambatu pa kintu kimo.
Banembi bakishinka. Banembi babula bena Lesa javula kechi basaka kwamba pa bintu bimo byakankalwa bantu babo ne. Pano bino, banembi ba Baibolo abo banembele pa bubi bwabo ne bwa bantu babo.—2 Byambo bya Moba 36:15, 16; Salamo 51:1-4.
Bungauzhi bwa mu Baibolo bufika. Saka kukiji myaka 200, Baibolo waambijile jimo amba muzhi wa Babilona bakamonauna. (Isaya 13:17-22) Walumbulwile ne byo bakamonauna ne kutongola muntu ukamonauna.—Isaya 45:1-3.
Bungauzhi bukwabo bwavula nabo bwafikile monkatu mo bebwambijile. Byambo bya Lesa byo byo byafwainwa kwikala.—2 Petelo 1:21.
KYO MWAKONSHA KULANGULUKANGAPO
Mambo a Lesa akonsha kwimukwasha byepi mu bwikalo bwenu?
Buno bwipuzho bwakumbulwa mu Baibolo mu ISAYA 48:17, 18 ne mu 2 TIMOTI 3:16, 17.