Ñanyi kintu kyakonsha kwituletela lusekelo mu kisemi?

BAIBOLO WAAMBA’MBA

“Batokwa ke boba bomvwa mambo a Lesa ne kwialama!”—Luka 11:28, Binembelo bya Ntanda Ipya.

KWITABILA BINO BYAMBO KUKEMUKWASHA MU BWIKALO BWENU

Mukekala na butemwe bwa kine.—Efisesa 5:28, 29.

Mukekala na mushingi.—Efisesa 5:33.

Mukakwatankana.—Mako 10:6-9.

ABYA TWAKONSHA KWITABILA BYAMBO BIJI MU BAIBOLO NYI?

Ee, kuji bintu bibiji byakonsha kwitulengela kwitabila:

• Lesa ye walengele kisemi. Baibolo waamba’mba kwi Yehoba Lesa “ko kyatambula jizhina kisemi kyonse.” (Efisesa 3:14, 15) Ko kuba’mba Yehoba ye ulengela mu kisemi kwikala mutende mambo ye wikilengela. Kyaikela ka bino?

  Akilangulukai pa kino: Umvwe kajo mwikatemwa kabiji mukeba kuyuka byo bekateka, ñanyi ye mwakonsha kushikisha? Mwafwainwa kushikisha muntu wikateka.

  Po pamotu, inge kya kuba tukeba kuyuka bintu biletela kisemi lusekelo, twafwainwa kushikisha Yehoba, Mwine walengele kisemi.—Ntendekelo 2:18-24.

• Lesa wimuta bingi muchima. Bisemi byafwainwa kulomba maana kwi Yehoba. Upana ano maana kupichila mu Mambo anji. Mambo ka? “Mambo wimuta muchima.” (1 Petelo 5:6, 7) Yehoba wimutemwa kabiji maana o apana akwashañana bingi.—Byambo bya Maana 3:5, 6; Isaya 48:17, 18.