BWELAINGAKO KU BANTU
LUFUNJISHO 9
Mweshainga Kifyele
Jifunde: “Sekelainga pamo na boba basekela; jijilainga pamo na boba bajila.”—Loma 12:15.
Byaubanga Yesu
1. Tambai VIDYO, nangwa tangai Mako 6:30-34. Apa bino mwisambe ano mepuzho:
Mambo ka batumwa ba kwa Yesu o bakebejile bingi “kuya ku mpunzha kwa bunke bwabo”?
Ñanyi kintu kyalengejile Yesu kutendeka kufunjisha bano bantu?
Ñanyi Bintu byo Twafunjilako kwi Yesu?
2. Tukeba kusapwila bantu mambo awama kabiji tukeba ne kwibakwasha mu bintu bimo byo bakajilwa.
Ubainga byaubanga Yesu
3. Telekeshainga. Swishainga bantu kwamba biji ku muchima. Kange mwibachibikizhenga nangwa kwibalengulula inge babena kwamba pa makatazho abo nangwa bintutu bikwabo ne. Inge mwatelekesha ku byonse byo babena kwamba, mukamwesha’mba mwibata muchima.
4. Langulukainga pa bantu bakeba kuteleka. Kwesakanatu nabiji mwisambo, iipuzhai’mba:
‘Mambo ka o abena kukebela kufunjila bukine?’
‘Nanchi kumufunjisha Baibolo kukapimpula byubilo byanji ne kumulengela kukekala bwikalo bwawama kulutwe nyi?’
5. Ambainga pa bintu byafwainwa kumukwasha. Aku mupwishatu kuba bino, mumweshai kufunda Baibolo byo kwafwainwa kukumbula mepuzho anji ne byo kwafwainwa kumukwasha mu mashindatu akwabo.