Bya Kwamba pa Kushajika Magazini

Kyamba kya Usopa Mar. 1

“Malwa a ino ntanda byo abena kuyatu na kuvujilako, kyalengela atweba bonse kupita mu makatazho a buyanji, kubela ne kubula kuzhikijilwa. Nanchi twakonsha kuba byepi pa kuba’mba twikale na luketekelo lwa kimye kya kulutwe ne kutekeneshiwa ano onka moba nangwa kyakuba tuji mu buno bwikalo? [Lekai akumbule, apa bino mutange Masalamo 55:22] Kino kibaba kyalumbulula byo twakonsha kuketekela mwi Shetu wa mwiulu mu jishinda jo tubilamo na luyanjisho lwa ano moba.”

Kyamba kya Usopa Mar. 1

“Byo tuji bambulwakoloka mu ino ntanda ibi, kechi kyapela kutemwa bintu byo atemwa Lesa ne kushikwa bintu byo ashikwa ne. Twakonsha kuba byepi pa kuba’mba tushinde buno bulwi ne kwikala bakishinka? [Lekai akumbule] Baibolo itujimuna bino [Tangai Byambo bya Mana. 4:23] Ino magazini yaamba pa byo kilumbulula kulama michima yetu ya kifwanyikizho. Kabiji yaamba ne pa kuchinuzhuka byubilo byatama byo kulengela bulunda bwetu kwikala na Mulenga wetu.”

Kyamba kya Usopa Mar. 1

“Bujimbijimbi bwishila mu mashinda avula kabiji bwafika ne mu mbaji yonse ya bwikalo bwa ano moba. Kyakilamo kutama ke bujimbijimbi bwa mu bupopweshi mambo bwakonsha konauna bumi bwetu bwa myaka ne myaka bwa kimye kya kulutwe umvwe twabula kujimuka. Kika kyakonsha kwitukwasha kuchinuzhuka bujimbijimbi bwa uno mutundu? [Lekai akumbule, apa bino mutange 2 Kolinda 2:11] Kino kibaba kyalumbulula Lesa byo asolola bya bujimuku bya kwa Satana mu kwitukwasha kuba’mba twinengezhe kushinda.”

Kyamba kya Usopa Mar. 1

“Lelo jino machechi avula abena kuzhiya mambo bantu babo ne kibelengelo kyabo kya kupwila kibena kuyatu na kukepelako. Nanchi kika kyakonsha kulengela? [Lekai akumbule] Kampe byonka byo mwayukila jimo, Yesu kechi waitabizhe lutobo nangwa kulenga tumabumba twakwipachika mukachi ka bantu banji ne, kabiji kechi wibetabizhe kutuntulula jibiji mizhilo ya Lesa kuba’mba iswañane na ya bantu bobatainenga ne. [Tangai Yoano 17:20, 21] Ino magazini yalumbulula bwina Kilishitu byo bwakonsha kuvula.”