Bya Kwamba pa Kushajika Magazini

Kyamba kya Usopa Mar. 1

“Nanchi mwakilangulukapo pa binembelo byakala kana byakonsha kwikala na lufunjisho lwakonsha kukwasha muntu lelo jino nyi? [Mulekai akumbule.] Mu kino kibaba muji mutwe waamba pa buku wa Mitonyi, mwalumbululwa bulongo bukine bwanema bwa kuba’mba mu kukokela Lesa muji mfweto yawama bingi, pakuba mu kubula kumukokela mufuma bintu byatama.” Tangai Mpitulukilo ya mu mizhilo 11:26-28.

Kyamba kya Usopa Mar. 1

“Misula ya kusula bupopweshi kyo kyubilo kyakumbana mu ino ntanda kabiji bapopweshi bapita mu lukatazho lwa kukeba kwifya pa kuba’mba bakepesheko kwendelekwa. Mwalanguluka’mba ki ka kyo twafwainwa kuba pa kuba’mba tushinde luno lukatazho ne kwikala balusekelo? [Lekai akumbule, apa bino mutange 1 Kolinda 1:31.] Ino magazini yaamba bya kumwenako bya bantu bamo basekejile mu bulunda bo bajinga nabo na Lesa.”

Kyamba kya Usopa Mar. 1

“Nanchi mwalanguluka’mba ntanda yakonsha kuwama umvwe bantu balondelanga jino jifunde nyi? [Tangai Loma 12:17, 18, apa bino muleke akumbule.] Kya bulandatu ke kya kuba’mba, bimye bimo kwikala kupusenamo na bakwetu. Ino magazini yamwesha kwingijisha mafunde a mu Baibolo byo kwakonsha kwitukwasha kupwisha lutobo ne kuleta mutende.”

Kyamba kya Usopa Mar. 1

“Pa mwaka pa mwaka tumvwa masongola byo apwa. Mwalanguluka’mba lukatazho lufuma pi? [Lekai akumbule.] Bantu bamo batwela mu masongola balanguluka’mba ‘umvwe abula kwenda bulongo, nkeapwisha.’ Ino magazini yaamba pa byubilo byabula kufwainwa ku bantu besongola ne kyakonsha kwibakwasha kuchinuzhuka byubilo byakonsha kuleta makatazho.” Tangai Malakai 2:16.